Xəbər lenti

  • 2017-02-21
  • 22:50 Azərbaycanlı diplomat Aİ komissarı ilə görüşüb
    22:46 1,4 milyon uşaq aclıqla üz-üzədir
    22:34 Ukrayna da Qarabağdakı "referendum"u tanımır
    22:12 Cocuq Mərcanlıda raket zərərsizləşdirilib
    21:56 Mehriban Əliyevanın deputat mandatı ləğv ediləcək
    21:43 Səfirimiz Gürcüstanın Milli Təhlükəsizlik Şurasının katibi ilə görüşüb
    21:36 Türkiyə və Rusiya daha bir ortaq layihə həyata keçirəcək
    21:17 Səlahəddin Dəmirtaş 5 ay müddətində həbs edildi
    20:59 Trampın qərarları neftin qiymətinə müsbət təsir göstərir
    20:42 İran sərhəd-keçid məntəqəsini bağladı
    20:26 AKP-lilər Mehriban Əliyevanı təbrik etdi
    20:08 Birinci xanım: "Prinsiplərimə sadiq qalacağam"
    20:00 Sabah üç şəhərdə qaz olmayacaq
    19:46 Rusiya İraq kürd müxtar vilayətindən neft alacaq
    19:31 Ermənilər Ağdamı atəşə tutdu
    19:09 Ərdoğan İlham Əliyevi təbrik etdi: Mehriban Əliyevaya görə
    18:53 Elmar Məmmədyarov Türkiyəyə gedir
    18:41 Bakı Mühəndislik Universitetinin nizamnaməsi təsdiq edildi
    18:28 Çində partlayış baş verib
    18:10 “WhatsApp”dan daha bir yenilik
    17:59 "Prezident özündən sonra estafeti Mehriban Əliyevaya verməyi düşünür"
    17:50 Türkiyədəki sonuncu referendum anketinin nəticəsi bəlli oldu
    17:34 "İqtidar komandasına baxanda ən layiqli namizəd Mehriban Əliyevadır"
    17:33 Sergey Markov:Mehriban Əliyevanın vitse-prezident təyin olunması ölkəyə fayda verəcək
    17:22 Elmar Məmmədyarov Türkiyəyə gedib
    17:15 Bərzani Türkiyəyə gəlir
    17:05 Ermənistan baş naziri Gürcüstana səfər edəcək
    16:45 Çin ABŞ-a xəbərdarlıq etdi
    16:33 Novruz Məmmədov: "Hamı bu vəzifədə Mehriban Əliyevanı görürdü"
    16:28 Oskanianın oğlu adam oğurluğunda ittiham olunur
    16:14 Gürcüstanda Kür çayı tullantılardan təmizlənir
    16:02 "İdarəetmədə təkmilləşmə olacaqsa, təyinat effektli olacaq"
    15:56 Elmar Məmmədyarov Belçika xalqını təbrik etdi
    15:45 Yaralı fələstinlini öldürən əsgərə 18 ay cəza
    15:33 BMT: Qəddafinin oğlunun taleyi məlum deyil
    15:07 Mehriban Əliyeva: "Cənab prezident, bu yüksək etimada görə Sizə minnətdaram"
    15:03 "Dünyada analoqu olmayan situasiya yaranıb" - ADP sədri
    14:50 Rusiya dünyanın ən böyük neft istehsalçısı oldu
    14:35 “Parabank”ın məcburi ləğv prosesi dayandırılıb
    14:20 Ağdamda çobanlar atəşə tutulub
    14:04 Arif Hacılı: "Bu təyinat hakimiyyətdaxili qarşıdurmanı gücləndirəcək"
    13:55 Uşaqlar üçün İslam ensiklopediyası hazırlanacaq
    13:50 Roma Papasının nümayəndəsi:Xocalını törədənlər cəzasız qalmayacaq
    13:38 Tailandda körpü dağıldı - Xəsarət alan var
    13:23 Fazil Mustafa: "Bu postun ən layiqli namizədi odur"
    13:22 Dollar bahalaşdı
    13:12 Azərbaycan nümayəndə heyəti İrana səfərə gedir
    13:01 İlham Əliyevin sədrliyi ilə Təhlükəsizlik Şurasının iclası keçirildi
    12:41 Cocuq Mərcanlıda açıq səma altında muzey yaratmaq təklif olunur
    12:31 Yeni vitse-prezident təyin olundu
    18
    10:40:00
    Noyabr
    1373 nəfər oxuyub

    Şəkil qardaşlığı

    Bir neçə gün əvvəl xeber365.com-un əməkdaşları ilə birlikdə Türkiyənin paytaxtı Ankarada olduq. Məqsədimiz Türkiyənin siyasi elitasından olan insanlarla görüşmək, reportajlar hazırlamaq idi. Öncədən deyim ki, xeyli işgüzar səfər oldu. Artıq saytımızda səfərdən hazırladığımız xəbərləri, reportajları izləyirsiniz.

     

    Ankarada keçirdiyimiz görüşlərdə xüsusilə diqqətimi çəkən bir məqam oldu. Biz uzun illərdir, Azərbaycanla Türkiyənin əməkdaşlıq etdiyini, bir millət, iki dövlət olduğumuzu sinəmizə döyə-döyə, fəxrlə hər yerdə təkrarlayırıq. Təbii ki, bu sözlər yalan, ya da oyun deyil. Dövlətlərimizin də, ayrılıqda insanlarımızın da arasında sıx ünsiyyət, dostluq əlaqələri yaranıb, münasibətlər günü-gündən inkişaf edir. Amma...

     

    Təəssüf ki, burda da bir amma var. Azərbaycanın siyasi partiyalarının, qeyri-hökumət təşkilatlarının türkiyəli həmkarları, türk mediası ilə əlaqələri hansı səviyyədədir? İstər müxalifət partiyaları olsun, istər qeyri-hökumət təşkilatları, həmişə Türkiyə ilə, ordakı partiyalarla münasibətlərindən danışırlar. Ancaq bu bir neçə gündə etdiyimiz söhbətlərdən, keçirdiyimiz görüşlərdən anladım ki, bu münasibətlər əslində şəkil çəkdirməkdən o tərəfə keçməyib. Burdakı siyasi partiyaların rəhbərləri, nümayəndələri ilə söhbət zamanı hamısına eyni sualları verdik: Azərbaycanda hansı siyasi partiyanı tanıyırsınız? Onlarla əlaqələriniz hansı səviyyədədir? Hansı məsələlərdə əməkdaşlıq eləyirsiniz, hansı müqavilələr bağlamısınız? Hansı ortaq fikirlərə sahibsiniz?

     

    Aldığımız cavablar bizi xeyli məyus etdi. Daha doğrusu, almadığımız. Çünki müsahiblərimiz, Azərbaycandakı siyasi partiyaların, demək olar ki, heç birini tanımırlar. Bu hal ana müxalifət partiyası CXP-yə də aiddi, MHP-yə də, digər üçüncü, dördüncü dərəcəli partiyalara da. Yox, tanıdıqları var... Ancaq kimlər? Mərhum Elçibəyin partiyasının adını bilirlər. Xalq Cəbhəsinin adını çəkəndə pərt olmamaq üçün hamısı bir ağızdan “Xalq Cəbhəsini yaxşı tanıyırıq” - deyirlər. Türkiyənin çox böyük partiyalarından birinin sədri isə hər zamankı kimi “bir millət, iki dövlətik, partiyalara fərq qoymuruq, hamısı qardaşımızdı” məhəbbətinə başladı. Biz təkidlə konkret ad soruşduqca o, “fərqi yoxdu, hamınızı sevirik ” - dedi.

     

    Bu qədər.

     

    Başqa heç nə bilmirlər.

     

    Bu, çox ağrılı bir məsələdi. Problem heç də Türkiyədəki siyasi partiyaların bizi tanıyıb- tanımaması deyil. Problem həm bizim siyasi partiyaların, QHT sektorunun, həm də mediamızın bu günə qədər türk həmkarları ilə ciddi əlaqələr qura bilməməyidir. AzTV kimi rəsmi qurumları çıxmaq şərtilə, digər kanalların Türkiyədə bürosu yoxdu, türk mediası ilə heç bir ciddi əməkdaşlıq qurulmayıb. Münasibətlər hansısa yazıda bir –birinə istinaddan o tərəfə keçmir. Türkiyənin ən vacib media təmsilçiləri - TRT, CNN-TÜRK, çap mətbuatı, məşhur yazarlarla söhbətlərimizdə Azərbaycanla bağlı böyük tanıtım boşluğu olduğunu gördük. Bir də təkrar edirəm: məsələ ölkə olaraq yox, medianın medianı, siyasi partiya təmsilçilərinin siyasi partiyaları tanımamağıdır. Məsələn, Azərbaycanda Müsavat Partiyasının qurultayı keçirildi. Partiyanın rəhbəri dəyişdi, amma bu xəbəri ölkədən kənarda bilən, yayan olmadı. Türk siyasətçilərinin bundan xəbəri yoxdu. Ancaq CXP-də, MHP-də bir qurultay, toplantı olan kimi bizim qəzetlər bunu xəbərə çevirirlər, diqqətdə saxlayırlar. Sanki biz onlara daha həssaslıqla yanaşırıq, onlar bizə yox.

     

    Bəs onların Azərbaycana qarşı eyni həssasiyyəti göstərməməyinin səbəbi nədi? Bunu düşünmək lazımdır. Bizi istəmirlərmi? Xeyr. Bizə sayğıları var. Bizdən daha səmimidilər. Hər zaman bizə doğru addım atırlar. Demək ki, problem özümüzdədir. Bizim siyasi partiyalarımız, ictimai təşkilatlarımız Türkiyə ilə lazımi səviyyədə iş qura bilmirlər. Azərbaycandakı istənilən partiyanın- özünü müstəqil adlandıranların, adlandırmayanların- iş sistemi son dərəcə geridə qalıb. Təkcə Türkiyə yox, elə Avropa təşkilatları ilə qurduqları işlər də belədir. Hansı partiyanın qrant almağı bacaran bir ictimai fəalı varsa, onun vasitəsilə bir-iki Avropa qurumunda calışan politoloqlarla, siyasətçilərlə görüşüb  şəkil çəkdirirlər, vəssalam. Başqa heç nəyə  nail ola bilmirlər, heç yerdə tanınmırlar. Siyasi partiyaların əksəriyyəti nəinki Avropanın, heç qardaş ölkənin hər hansı bir partiyası, təşkilatı ilə münasibət qurmağa səy göstərmir. Əgər bu gün Azərbaycanda siyasi partiyalar lap yaxınlarında, qardaş adlandırdığımız Türkiyədə olan həmkarları ilə doğru-düzgün münasibət yaratmağı bacarmırlarsa, ümumi işlər yoxdursa, özlərini tanıda bilmirlərsə, Avropada, Amerikada, dünyanın başqa yerlərində özlərini necə tanıdırlar? Necə güc olmağı, hakimiyyətə necə gəlməyi planlaşdırırlar? İllərdir tərəfdaşlarınıza “az qalıb, bu il hakimiyyətə gələcəyik” deyirsiniz. Təbii ki, burda yanlış bir şey yoxdu. Çünki siyasi partiyanın hədəflərindən biri özünü hakimiyyətə daşımaqdır. Amma necə daşımaq? Əgər başqa ölkələrdəki siyasi partiyalarla müttəfiqlik edib təcrübə toplamaqdan, bərabər konfranslar, toplantılar, seçki monitorinqləri keçirməkdən belə mərhumsunuzsa, bunun suçu kimdədir?

     

    Ancaq necə deyərlər, zərərin yarısından da qayıtmaq xeyirdi. Bundan sonra da gec deyil. O əlaqələri yaratmaq lazımdı. Bütün siyasi partiyalarla, təşkilatlarla, media ilə. Siyasət belə münasibətlərdən, əməkdaşlıqlardan ibarətdi. Əlbəttə, söhbət enerjili siyasətdən, enerjili siyasətçidən gedir. Onlar işləməlidilər, nə istədiklərini, niyə və necə istədiklərini anlatmalıdırlar, özlərinə tərəfdar toplamalıdılar. Tanıdığım siyasi partiyaların böyük əksəriyyəti neçə illərdi, demək olar ki, iş görmür. Yorulmuş halları var sanki. Dəyişiklik istəyən, irəli getmək istəyənlər bundan ötəri mücadilə aparmalıdırlar. Çünki mücadiləsiz heç nə mümkün deyil.

     

    Dünyaya çıxış yollarımızdan biri də Türkiyədən keçir. Türkiyə kimi böyük bir dövləti arxamıza almalıyıq. Burda möhkəmlənməliyik ki, dünyaya güc olaraq çıxmağımız asanlaşsın. Digər tərəfdən başqa cür türk dünyasının birliyindən, qüdrətindən danışmaq mənasızdır.

     

    Bu saytdakı ilk köşəmdə  yazmışdım bu cümləni, indi bir daha səslənirəm: “Ruhunuzu yeniləyin, dostlar! Sabaha inamla yürüyən enerjili, çılğın insanlar olun”.

     

    PS. “Bizim üçün fərqi yoxdu, hamınızı sevirik” söyləyən partiya başçısına “lütfən, bizi belə sevməyin. Tanıyaraq, bilərək, bizimlə bir şeylər paylaşaraq sevin. Sizi də, bizi də yalnız belə sevgi irəli apara bilər” - dedik.

    Yazarın arxivi