Xəbər lenti

  • 2017-02-22
  • 18:54 "Lapşin heç nədən şikayət etmir"
    18:44 Cocuq Mərcanlıda yoxlanışlar davam edir
    18:29 Prezident nazirliyə 2 milyon manat ayırdı
    18:16 Mehman Əliyev:
    18:08 Abituriyentlərin nəzərinə: Bunu mütləq etməlisiniz
    17:45 Rusiya Azərbaycan vətəndaşını axtarışa verdi
    17:28 Binali Yıldırım:Referendumda yox çıxarsa...
    17:26 Manatın sabaha olan məzənnəsi
    17:05 Ərdoğan prokurorluğa şikayət etdi
    17:00 Sabah bu yollarda hərəkət məhdudlaşacaq
    16:54 Oqtay Əsədov Mehriban Əliyevaya təbrik məktubu göndərdi
    16:52 Hərbi qulluqçumuz şəhid oldu
    16:50 Lavrov erməni həmkarına "Dostluq ordeni" verdi
    16:50 Türkiyə 80 min suriyalıya vətəndaşlıq verəcək
    16:36 Ərdoğanla Trampın görüşəcəkləri tarix açıqlandı
    16:30 Lavrov: "ATƏT sədrlərinin formatına alternativ yoxdur"
    16:15 Nikki Haley:"ABŞ Dağlıq Qarabağla bağlı Minsk prosesinə sadiqdir”
    16:05 İlham Əliyev Yaponiyanın dövlət nazirini qəbul etdi
    15:58 Bakıda “Cənub Qaz Dəhlizi” Məşvərət Şurasının iclası olacaq
    15:46 Belarusda "Azərbaycan Ticarət Evi" təsis edilib
    15:33 Yəmənin baş qərargah rəsinin müavini öldürüldü
    15:12 Fikri İşıq: “Moskva PYD ilə bağlı bizim mövqeyimizi bölüşmür”
    15:06 İran Rusiyadan təyyarə alacaq
    15:00 Dağıstanda Xocalı soyqırımının qurbanları yad edilib
    14:49 Fələstin baş nazirinin müavini Azərbaycana gələcək
    14:32 Kipr danışıqlarına türk tərəfi qatılmayacaq
    14:13 Türkiyədə qadın hərbçilər hicab taxa biləcəklər
    14:03 CHP-nin sözçüsü ölümlə təhdid edildi
    13:55 "Ermənistanın məğlubiyyətləri davam edəcək"
    13:43 Qobustanda zəlzələ olub
    13:40 Məhkəmə Ərdoğana qarşı təzminat davasını rədd etdi
    13:39 Krıma yeni baş nazir təyin olundu
    13:25 Ramil Usubov Almaniyada səfərdədir
    13:08 Azərbaycanda 2 ailədə nadir xəstəlik tapıldı
    13:05 ABŞ xeyli sayda miqrantı həbs edəcək
    13:04 "Qarabağda "referendum" keçirilməsi qanunsuzdur"
    12:44 Sabaha olan hava proqnozu
    12:43 Ankarada Elmar Məmmədyarov və Çavuşoğlu görüşüblər
    12:36 Hemofiliya xəstələrinin sayı artıb
    12:22 Qazaxıstan və Azərbaycan parlament nümayəndələri görüşüb
    12:17 Rusiyalı politoloqlar Mehriban Əliyevanın vitse-prezident olması haqda
    11:58 Kim Çen İnin qardaşının ölümündə şübhəli bilinən diplomat axtarışa verildi
    11:28 Rusiya və ABŞ Rakkada birgə əməliyyatlara başlaya bilər
    11:25 Yanukoviç: "Donbassın statusu ilə bağlı referendum keçirilməlidir"
    11:07 Tehranda partlayış: 5 nəfər öldü
    11:05 "Fərat Qalxanı"nda 14 İŞİD-çi öldürüldü
    10:56 Sinqapurda nadir təbiət hadisəsi baş verdi - VİDEO
    10:48 Pakistanın baş naziri Türkiyəyə gəlir
    10:47 Türkiyə və Yunanıstanın hərbi gəmiləri təhlükəli şəkildə yaxınlaşdı
    10:37 İlham Əliyev ABŞ-ın nümayəndə heyətini qəbul etdi
    07
    10:24:18
    Sentyabr
    1633 nəfər oxuyub

    Xoşunuza gəlir 110 qadının intiharı?

    Valideynlərin gözü aydın! Niyyətlərinə çatırlar. Qızlarını evdən gəlin köçürəndə “Ər evindən ancaq meyitin çıxacaq”, “Ağ gəlinliklə gedirsən, o evdən də ancaq ağ kəfənlə çıxacaqsan” deyirlər ha...

     

    Bu ilin 6 ayında 110 qadın intihar edib. Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin məlumatında belə deyilir. Ancaq intiharların səbəbi açıqlanmayıb.

     

    Elə mənim bildiyim sonuncu qadın intiharı avqustun 25-də Hacıqabulda iki uşaq anasının özünü asmasıdır. Hacıqabul rayonunu Abdulabad kəndində 23 yaşlı Gülgəzin yaşadığı evdə asılmış meyiti tapılmışdı. Bu intiharın da səbəbi açıqlanmır. İki uşaq anasının özünü öldürməsinin səbəbi…

     

    Bilirəm, o dəqiqə ürəyinizdə və ya açıq-aşkar deyirsiniz: “Allah bilir, nə xətası varıymış ki, özünü asıb”.

     

    Ancaq belə ölümlərin əksəriyyətinin səbəbi çarəsizlikdir, çarəsizlik! Bunu siz özünüz də yaxşı bilirsiniz. Çarəsizlik canından bezdiyin evdən getməyə yerin, döyməyə qapın olmamaqdır. Səni o evdən çıxsan, qəbul edəcək ata-ananın, qardaş-bacının olmamasıdır. Uşaqlarının əlindən tutub gedəndə qapının bağlanmasıdır, uşaqsız başını götürüb qaçanda ona əxlaqsız damğasının vurulmasıdır.

     

    Ötən il bir gəlin başını götürüb qaçıb gəldi, ağsaqqal müəllim qayınatası gəlininə “əxlaqsızdır” dedi, “yad kişilərə qoşulub-qaçıb” dedi. Siz də o ağsaqqala haqq qazandırdınız, səsinə səs verdiniz.

     

    Siz əlacsızı, çarəsizi, zəifi ittiham etməkdən zövq alırsınız. Məhz, bu zövqü yaşamaqdan ötrü qadının zəif olmasını, əlacsız olmasını arzulayırsınız, zorla bu statusu boynuna qoyursunuz.

     

    Hər qadın sizin “əxlaqsız” damğanıza, fit səslərinizə qulaq verməyəcək, dözəcək qədər güclü deyil. Ona görə güclü deyil ki, onun doğulduğu ailədə, boya-başa çatdığı mühitdə ona elə öyrədiblər. Xala-bibiləri dolma bükə-bükə danışıblar ki, qız ki evdən çıxdı, daha bizlik deyil. Söysələr, döysələr də, dözüb getdiyi evdə oturmalıdır. Başqa cür etsə, atasının başını aşağı salar, anasının dilini gödək eləyər.

     

    Ona görə güclü deyil ki, canından bezdiyi vaxtda canından başqa heç nəyi, heç kimi olmur. Savadı olmur, işi-gücü olmur, ona “güclüsən”, “bacaracaqsan”, “vallah yaxşı olacaq” deyən olmur.

     

    Ona görə güclü deyil ki, həmişə başından basılıb, hər addımda heç kim olduğu xatırladılıb. “Evin süpürgəsisən”, nə bilim, “xəkəndazısan”, “pol ağacısan” deyilib.

     

    Sizə “daxilən azad olun, özünüzü əzdirməyin, sizinlə kölə kimi davranmağa icazə verməyin, oxuyun, bilgili olun, dünyagörüşünüzü artırın” deyəndə bizi daşa tutan xanımlar! Ürəyinizcədir 110 qadının intiharı? Xoşunuza gəlir bu dünyadan nakam köçən qızlar, uşağını bu insafsız dünyanın ümidinə buraxıb ölümə üz tutan analar, yetim qalan uşaqlar?!

     

    Mən qətiyyən boşanmağı, ailəni dağıtmağı təbliğ etmirəm. Nə qədər şablon səslənsə də, mənim üçün də ailə müqəddəsdir, məhrəmdir. Bu dünyada hamının sığındığı sevgisi, ömrün bütün çağlarında əlindən tuta biləcəyi sevdiyi olmalıdır. Diqqət eləyin, sevgisi, sevdiyi... Sevgi isə zorla olmur. İnsan onu özü seçir. Mən deyirəm ki, icazə verin, adamlar yarlarını özləri seçsinlər, yaxşını pisdən ayıra bilsinlər, özlərini hazır hiss edəndə ərə getsinlər, ailə qursunlar. Xoşbəxt olsunlar. Xoşbəxt ola bilməyəndə canları xəstə düşməmiş, yaralanmamış, ölməmiş o evdən çıxa bilsinlər, o adamdan ayrıla bilsinlər. Yeni bir həyata yelkən aça bilsinlər. Qorxmasınlar, ürkməsinlər.

     

    Siz isə qızlarınızı ölümlə evləndirirsiniz. Gözünü, ağzını yumursunuz. “Dözün” deyirsiniz, “ölün” deyirsiniz.

     

    Sizin üçün yüz il, min il bundan əvvəl bu cəmiyyətə sırınmış dəyərlər, qadağalar özünüzü sübut etmək, natamamlığınızı ört-basdır etmək üçün  bir sığınacaq olub, bayraq olub. Qızlarınıza, qadınlarınıza isə qəbir...

     

    Mənim üçün isə yox, xanımlar və cənablar! Mənim üçün bir insan həyatı bütün mental dəyərlərdən, yazılmış və yazılmamış, uydurulmuş bütün “əxlaq qanunlarından” üstündür, yüksəkdədir. Ümid edirəm ki, daha çox qadını torpağa gömməmiş sizin üçün də belə olacaq. Ümid edirəm...

     

     

     

     

     

     

    Yazarın arxivi