Xəbər lenti

  • 2017-01-18
  • 15:51 Azərbaycanda nüvə xammalı ehtiyatları axtarılacaq
    15:35 Lavrova bəyanatla cavab verildi
    15:27 Nazir: "Avropanın ən böyük problemi Avropanın özüdür"
    14:57 Qubad İbadoğludan Lavrov açıqlaması: "Moskva buna göz yummayacaq"
    14:55 Azərbaycan və İslam İnkişaf Bankı arasında qrant sazişi imzalanıb
    14:23 CİA 11 milyondan çox gizli sənədi ictimaiyyətin istifadəsinə verib
    14:18 Kılıçdaroğlu və Baxçalı bir araya gəliblər
    14:06 Sabah havanın kəskin dəyişəcəyi gözlənilir
    13:51 İtaliyada zəlzələ baş verib
    13:45 Corc Buş xəstəxanaya yerləşdirilib
    13:30 "ASAN" xidmətin iş qrafiki dəyişdi
    13:20 BSU-nun yeni rektoru Kamal Abdulladan danışdı
    13:15 Çin ABŞ-a Tayvanla bağlı etiraz edib
    12:58 Böyük Britaniya turistlərini Qambiyadan təxliyyə edir
    12:37 Təhsil Nazirliyi “Qafqaz” Universitetinin bağlanmasına reaksiya verib
    12:25 Davosda Azərbaycan və İsveçrə prezidentləri arasında görüş olub
    12:10 Qafqaz Universiteti bəyanat yayıb
    12:00 Ermənilər təlimə başladılar
    11:38 Uşaqların peyvənd edilməsi haqqında məlumat elektronlaşacaq
    11:25 Le Peni Krıma dəvət etdilər
    11:07 Dövlət departamenti Bakının tələbi ilə həbs edilən bloqqerdən danışıb
    10:55 Qafqaz Universiteti ləğv olunur
    10:46 Amerikalı siyasətçi Rusiyanı Yaxın Şərqdə əsas oyunçu adlandırıb
    10:28 Dollar bu gün neçəyədir?
    10:25 Elmar Məmmədyarov Malayziyaya səfər edib
    10:09 Tramp inauqurasiyanı boykot edənlərə səsləndi: Biletləri qaytarın!
    09:24 Prokurorluğa hücum - 4 nəfər ölüb
    09:12 Van bölgəsində iki terrorçu öldürülüb
    08:58 Ağ Ev: Obama Putini işgüzar adam hesab edir
    00:09 "Vicdanı olan hər kəs konstitusiya dəyişikliklərinə etiraz etməlidir"
    10
    10:24:18
    Noyabr
    4884 nəfər oxuyub

    Bizi də çilik-çilik etdiniz, Əhəd müəllim!

    Dünən Bayraq günü idi. Və dünən balacadan tutmuş böyüyə kimi hamı bayrağımıza büründü, bu günü bayram kimi qeyd etdi, vətənimiz haqqında, bu bayrağın tarixini yazanlar, bu bayrağı ucaldanlar haqqında xoş sözlər dedi. Bu qədər ictimai-sosial problemlərin arasında, bu qədər küskünlüyə rəğmən adamların öz tarixi gününə, atributuna belə sevgi və sayğı nümayiş etdirməsi qürurverici idi. Doğrudan da…

     

    Amma sonra nə oldu? Daşkəsən rayon İcra Hakimiyyətinin başçısı Əhəd Abıyevin Bayraq günü münasibətilə keçirilən tədbirdə şifer üzərinə çəkilmiş Ermənistan bayrağını yumruqlaması gündəmə gəldi. Sonradan bayrağın Ermənistana deyil, Kolumbiyaya məxsus olduğu bilindi. Söhbət onun hansı ölkənin bayrağı olmasından getmir, söhbət, yenə deyirəm, hər şeyə rəğmən sevdiyimiz, sarıldığımız bayrağın məxsus olduğu torpağın bir hissəsinə də olsa, başçılıq edən adamın bu təfəkkürdə olmasından gedir. O, özünü gülünc vəziyyətə qoymaqdan çəkinməmişdi. Heç bu vəziyyəti gülməli də hesab etməmişdi. Bəlkə də ürəyində bu “cəsarətinə” görə qürrələnmişdi də.

     

    Nə yalan deyim, heç mənə də gülməli görünmədi. Əksinə, dünəndən bəri bu mənzərə mənim boğazımda bir ağrı kimi düyünlənib qalıb, əhvalımı pozub. Öz-özümə bu hadisəyə müxtəlif yozumlar verib bu ağrını azaltmaq istədim. Öz-özümə sual verdim: Niyə mənim millət vəkilim özünü və bizi bu vəziyyətə qoyur? Bizi dolayır, yoxsa ciddidir? Doğrudanmı, belə düşünür? Həqiqətənmi, ağlı belə kəsir? Fikirləşir ki, şifer-bayrağı çilik-çilik eləmək Şuşaya bayraq sancmağa bərabərdir, onda şəhidlərimizin qanı alınmış olur? Mən bu sualların heç birinə cavab tapa bilmədim.

     

    İçimdən Əhəd Abıyevlə, Hadı Rəcəbliylə, onlar kimi tez-tez bu cür hərəkətləri, bəyanatları ilə gündəmə gələn və içimizi göynədən yüksək statuslu saç-saqqalı ağartmış adamlarla oturub söhbətləşmək keçdi. Zarafat eləmirəm. Bir vətən övladı kimi onlarla dərdləşmək, cavabını tapa bilmədiyim sualları onların özünə vermək istəyirəm. Axı onların bizim ağrılarımızdan xəbəri yoxdur, yəqin, ona görə belə edirlər. Məsələn, demək istəyirəm ki, Əhəd müəllim, siz bilirsiniz ki, məni və mənim kimi minlərlə adamı bu ölkədə həm bir qadın, həm bir insan, həm də bir vətəndaş kimi incidən, ağrıdan nə qədər problem var?

     

    Əhəd müəllim! Mənim ölkəmdə içi mən qarışıq istədiyini yaza bilməyən, deyə bilməyən yüzlərlə adam var. Hamımız içimizdə boğuluruq. Mənim ölkəmdə harda işıq varsa, ora pambıq tıxayırlar. Qaranlığa məhkum olunmuşuq. Mənim ölkəm aprel ayında neçə şəhid verdi, hələ də şəkillərindən bir cüt göz bizə baxır. Biz isə gözümüzü yayındırırıq. Mənim ölkəmdə namuslu, vicdanlı, zəhmətkeş adamların çoxunun qanadını qırıblar. Hər dəfə onların özlərini lazımsız hiss etdiklərini görəndə əlimiz-qolumuz yanımıza düşür. Mənim ölkəmdə adamların üzü gülmür, onlar aqressivdirlər, onlar bir-birlərini öldürürlər.

     

    Əhəd müəllim, mənim ölkəmdə adamlar evsizdir, işsizdir, bir tikə çörəklərini qazanmaq üçün gecə-gündüz işləyirlər, hər sözü götürürlər. Yəni mənim ölkəmin adamları yorğundur, bezgindir...

     

    Yəqin dükandakı, bazardakı qiymətlərdən də xəbəriniz yoxdur sizin. Amma yaman bahalıqdır. Hər dəfə qiymətlər yüksəldikcə mən daha çox işləməli, daha çox pul qazanmalı oluram. Övladıma ayıracağım vaxtdan oğurlayıb şənbə-bazar günü demədən işləyirəm, yazıram-pozuram. Mən və mənim kimi nə qədər gəncin ömrü beləcə gedir, hamımız vaxt tapan kimi oturub fikirləşirik ki, bəs biz nə vaxt yaşayacağıq, bizim axırımız necə olacaq?

     

    Bu qədər vaxt və pul qıtlığı içində aralığa salıb oxumağa, filmlər izləməyə özümüzü yetişdirib, bu xalq üçün, bu millət üçün faydalı olmağa çalışırıq. Bəs hər şeylə təmin olunmuş bu insanlar niyə belə primitiv qalırlar, niyə gözlərini açıb bu işıqlı dünyaya, tərəqqipərvər bəşəriyyətə baxmırlar? Niyə bilmək istəmirlər ki, onlar şiferi çilik-çilik eləyəndə bizim də vətənə dair ümidlərimiz çilik-çilik olur. Niyə anlamırlar ki, onlar bu hərəkətlə erməni bayrağını yox, bizi ayaq altına salıb əzirlər, incidirlər...

    Biz o tərəfə, şəhid ailələrinin sizin erməni bayrağını yumruqladığınızı görəndə nə hala düşəcəyini fikirləşmisinizmi? Bir ananın 18 yaşlı balası cəbhədə erməni gülləsindən ölsün, siz burda bayrağa yumruq atasınız. Hələ bir deyirsiniz ki, Ermənistan bayrağını düz tutmağı şərəf saymırsınız. Deyirsiniz ki, sındırdığım bayraq təmiz erməni bayrağı idi, sadəcə onun ayağını yuxarı, başını aşağı etmişəm. Sual verirsiniz ki, Kolumbiyanın bura nə dəxli var? O şayiəni yayan hansı alçaq ermənidir? Niyə o şəxslər Ermənistanı belə müdafiə edir? Bu adamlar niyə dəyişmirlər? Bəs siz niyə dəyişmirsiniz, niyə qəsdimizə durmusunuz, Əhəd müəllim?

     

    Bu ölkədə yaşamaq çətindir, Əhəd müəllim. Xəbəriniz yoxdur, hərə bir yolla başını götürüb qaçır? Niyə yerdə qalan adamları da zorla vətənindən didərgin edirsiniz? İmkan verin yaşayaq, Əhəd müəllim, imkan verin yaşayaq…

    Yazarın arxivi