Xəbər lenti

  • 2017-02-27
  • 00:59 Xarici tələbələr "Xocalıya ədalət" dedilər - VİDEO
  • 2017-02-26
  • 23:30 İsveçrədən Rusiyaya uçan sərnişin təyyarəsində yanğın baş verib
    23:00 ATƏT: “Texnikanı geri çəkin, cəsədləri götürməyə imkan yaradın”
    22:30 Sabah Avropa İttifaqı Gürcüstan üçün viza rejimini ləğv edəcək
    22:00 Niyə "Eurovision" Ukraynada böhranla üzləşib?
    21:30 İspaniyada qaçqınlara dəstək aksiyaları keçirilib
    21:00 Çavuşoğlu yunan həmkarına cavab verdi
    20:30 İlham Əliyev Qətərə rəsmi səfər edib
    20:00 Gəncədə Xocalı abidəsinin açılışı olub
    19:30 Moskvada Nemtsov yürüşü keçirilir
    19:00 Demokrat Partiyanın Milli Komitəsinin sədri postuna seçkilər saxtalaşdırılıb
    18:30 Con Travolta məşhur mafia başçısı Con Qotti olacaq
    18:00 Bu gün ilin ilk Günəş tutulması oldu
    17:35 BBC-ə hansı ölkələrdə qadağan qoyulub?
    17:10 Xocalı soyqırımı qurbanlarının xatirəsi bir dəqiqəlik sükutla yad edilib
    16:00 Berlində Xocalı qurbanlarının xatirəsinə həsr olunmuş sərgi keçirilib
    15:12 Hərbi Prokurorluğun Memorial Soyqırım Muzeyi
    15:09 “Əsir düşərgəsi” kitabı çap olunub
    13:13 Xələf Xələfov: “Xocalı ilə bağlı beynəlxalq tribunal yaradılmalıdır”
    12:40 Havanın temperaturu aşağı düşəcək
    12:16 Türkiyə səfiri: Xocalı soyqırımını törədənlər öz cəzalarına çatacaqlar
    11:41 Honq Konqda təyyarə qəzaya uğrayıb
    11:14 ABŞ BMT-nin İnsan Haqları Şurasından çıxa bilər
    10:45 Krım tatarları Rusiyanın Ankaradakı səfirliyi qarşısında aksiya keçiriblər
    10:24 İlham Əliyevin iştirakı ilə Xocalı yürüşü keçirilib
    10:02 Kiyevdə "Xocalıya ədalət" biqbordları yerləşdirilib
    09:55 Atəşkəs rejimi 34 dəfə pozulub
    09:45 ABŞ-da terror:50 yaralı
    01:32 Azərbaycan əks-hücuma keçsə, üstünlük əldə edəcək – Hərbi ekspert
    00:01 Xocalı soyqırımı - 25
    09
    13:12:02
    Yanvar
    997 nəfər oxuyub

    BİZ NİYƏ ARZULAYA BİLMİRİK?

    Mənim nəslimin insanları “işıqlı gələcək” barədə nağıllarla tərbiyə olunurdu. Baxdığımız bütün filmlərdə, dinlədiyimiz şeir və nəğmələrin, demək olar ki, hamısının arxa planında bu “işıqlı sabah” ideyasını aydın sezmək olurdu. Rəsmi ideologiya insanları ideal rifah cəmiyyəti olan kommunizm idealına bağlamağa çalışırdı. Və elə bu səbəbdən artıq mənim nəslimdə heç kim bu “işıqlı sabaha” səmimi şəkildə inanmırdı. O zaman anlamışdım: bir şeyi bütün resursları qoşmaqla təbliğ edirlərsə, zamanla insanlar həmin şeydən soyuyur və hətta iyrənməyə başlayırlar. Təbliğat gözəl ideyaları belə çirkinləşdirə bilir.

     

    Sonra sovet dağıldı. Heç kim dağıtmadı onu, içəridən dağıldı və uçdu bizim nəslin başına. İctimai ritorika “sabah”  ideyasından və ümumiyyətlə, sosializm təbliğatında sıx işlənən sözlərin bir çoxundan imtina etdi. Məsələ gülməli kazuslara qədər gedib çıxırdı. Yadımdadır, o zaman çoxsaylı siyasi iclasların birində orta yaşlı bir kişi ciddi cəhdlə gündəlikdə gözünə sataşmış “sosial” sözünün ordan götürülməsini tələb edirdi. “Bəsdir, bezdik bu sosializmdən” deyə qışqırırdı.  Kişini güclə sakitləşdirdilər ki, “sosial” sözündən imtina edə bilmərik.

     

    “Sabah” sözündən isə  imtina edilmişdi artıq. Azərbaycanlılar indi də sabaha boylanmırlar, uzaq başı gələn ilə (“Gələn il Şuşada, Xocalıda...” bu sözlər siyasi korrektliyin bir atributuna çevrilib).

     

    Praqmatizm, bu günlə yaşama ictimai-siyasi sahənin dominant ideyası olsa da, mədəniyyətin özündə keçmişə meyil güclənməyə başladı. Milli dəyərlərə, öz kökümüzə qayıtmaq təmayülləri mədəniyyətdə konservatizmi gücləndirdi. Sovet dövründə opponentini dövlət resurslarının köməyi ilə köşəyə sıxışdırmış içi boş ateizmdən yorulmuş kütlələr böyük coşqu ilə dinə doğru axışmağa başladılar. Məncə, yanılmaram desəm ki, İŞİD-in sıralarında ən əhəmiyyətli qüvvəni məhz postsovet ölkələrindən çıxmış “möminlər” təşkil edir. Onların fəaliyyətində də “sabah” yoxdur. Onlar keçmişi rekonstruksiya edirlər. Xilafət, şəriət məhkəməsi, kəniz, qul bazarları,..

     

    Stalin sosializmi rus ziyalılarının arzularını dəfn etdi. Hərçənd marksist-leninçi inqilab arzulardan doğulmuşdu: Avropa utopistlərinin (T.Mor, Ş.Furye, T.Kampanella, F.Bekon) arzularından. Ədalətli, azad, elmi fikrin nailiyyətlərinə əsaslanan ideal cəmiyyət arzularından. Və indi bütün postsovet məkanında, o cümlədən də bizdə,  arzulamaq çətinliyi yaranıb. Mən səmimi, həqiqi, ürəkdən arzulamağı nəzərdə tuturam. Xalqların sabahı onların arzularından doğur.

     

    Bilirəm, çətindir, amma gəlin, cəhd edək: Məsələn, arzulayaq ki, gələcəkdə Azərbaycanda təhsil elə dəyişəcək ki, eyni zamanda bir neçə universitetimiz Harvard, Kembric, Sorbonla müqayisə olunacaq həddə çatacaq. Finlandiya hökuməti təhsil təcrübəmizi öz ölkəsində tətbiq etmək fikrinə düşəcək. Dünyanın hər yerindən bizə oxumağa axışacaq gənclər... Sonra bütün dünya bizim səhiyyəmizin görünməmiş nailiyyətlərindən danışacaq. Sərhədlərimizdə İrandan, Gürcüstandan, Rusiyadan gəlmək istəyən xəstələrin böyük növbələri yaranacaq, Avropa ölkələrindən isə xəstələr təyyarələrlə gətiriləcək Bakıya. Bütün planet hər il dünya telefon bazarında “İphone” və “Samsung”u üstələmiş analoqu olmayan “Azərbaycan” smartfonların yeni modifikasıyasının çıxmasını gözləyəcək həyəcanla... Davam edin... 

    Yazarın arxivi