Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    12
    21:57:49
    Dekabr
    1287 nəfər oxuyub

    Ruslan Hacıyev: “Biz Gürcüstan dövlətinə problem yox, fayda gətirmişik”

    Gürcüstan parlamentinin “Təhsil, Elm və Mədəniyyət” Daimi Komitəsinin üzvü Ruslan Hacıyev bizimlə söhbətində Gürcüstanın inkişafında yerli azərbaycanlıların önəmli payı olduğunu deyir və onların hər zaman bu dövlətin sadiq vətəndaşları olaraq qaldıqlarını qeyd edir: “İstərdik ki, Gürüstanda yaşayan bütün xalqların nümayəndələrinin birgə səyləri ilə nail olduğumuz rahat yaşam imkanlarını bizim abxaz, osetin qardaşlarımız da görsün və bu, onların çoxmillətli böyük gürcü ailəsinə geri dönüşünə bir stimul olsun”.

     

     

    - Ruslan müəllim, Gürcüstan azərbaycanlılarının neçə faizi Marneuli, Dmanisi, Bolnisi və Tiflisdə yaşayır? Gürcüstanın daha hansı bölgələrində azərbaycanlıların kompakt yaşayış məntəqələri var?

     

     

    - Gürcüstanda azərbaycanlıların kompakt yaşadığı ərazilər, əsasən, Kvemo Kartli, yəni Aşağı Kartli bölgəsinə aiddir. Bu bölgəyə Marneuli, Bolnisi, Dmanisi və Qardabani rayonları daxildir. Marneuli rayonunun əhalisinin təxminən 80%-dən çoxunu, Bolnisi və Dmanisi rayonlarının əhalisinin 60-70%-ni, Qardabani rayonun isə 40-50%-ni azərbaycanlılar təşkil edir. Paytaxt Tiflisdə və Tiflisin ətraf kəndlərində, Kaspi rayonunun Tsixiteli kəndində, Kaxeti bölgəsində və Gürcüstanın digər rayonlarında da azərbaycanlılar yaşayır. Amma kompakt yaşayış məntəqələri, yuxarıda qeyd etdiyim kimi, əsasən Kvemo Kartli bölgəsində yerləşir.

     

     

    - Gürcüstanın yeni seçilmiş parlamentində ilk dəfə olaraq 4 azərbaycanlı deputat fəaliyyət göstərəcək. Ümumilikdə götürəndə neçə nəfər Gürcüstan azərbaycanlısı sonuncu parlament seçkilərində namizəd qismində mübarizə aparırdı?

     

     

    - Doğru qeyd etdiniz, hazırkı parlamentdə 4 azərbaycanlı deputat fəaliyyət göstərir. Mən və Savalan Mirzəyev hakim “Gürcü Arzusu” partiyasının siyahısı ilə majoritar sistem üzrə müvafiq olaraq Marneuli və Qardabani rayonlarından seçildik. Daha 2 deputat isə proporsional sistem üzrə partiya siyahıları ilə, biri “Gürcü Arzusu” partiyasından, digəri isə ”Milli Hərəkat” müxalifət partiyasından parlementə mandat qazandılar. Beləliklə, üç deputatımız hakim partiyadan, bir deputatımız isə müxalifət partiyasından seçilib. Ümumilikdə götürdükdə isə, müxtəlif partiya və seçki bloklarından birlikdə, təxminən, 30 nəfərə qədər azərbaycanlının adı namizədlər siyahısına daxil edilmişdi. Qeyd edim ki, bu şəxslərin əksəriyyətinin namizədlikləri proporsional sistem üzrə partiya və seçki bloklarının siyahısı ilə irəli sürülmüşdü. Təəssüf ki, bəziləri təmsil etdikləri seçki blokunun adını belə tam olaraq söyləyə bilmirdi. Aydındır ki, siyasi partiyalar, bloklar seçkilər zamanı ictimaiyyət arasında az-çox tanınan isimlərdən siyasi məqsədlər üçün istifadə etməyə çalışırlar. Bu təbiidir. Lakin yaxşı olar ki, müraciət edilən bu insanlar, yəni Gürcüstan azərbaycanlılarının nümayəndələri, seçki prosesində iştiraka razılıq verməzdən əvvəl öz potensiallarını ciddi ölçüb-biçsinlər ki, başqalarının əlində siyasi alətə çevrilməsinlər.

     

     

    - Bir tərəfdən, Gürcüstan azərbaycanlılarının vətəndaşı olduqları ölkənin ictimai-siyasi həyatında, o cümlədən, ümumxalq seçkilərində belə fəallığı alqışlanmalıdır. Digər tərəfdən, siyasi təşkilatlar arasında belə geniş səpkidə “səpələnmə”, bundan irəli gələn gərgin mübarizə həm icma daxilində və həm də gürcülərlə münaqişələrə yol aça bilər. Belə neqativ tendensiyaların inkişafının qarşısını almaq üçün Gürcüstan azərbaycanlıları icmasının parlamentdə nümayəndəsi olaraq hansı addımların atılmasını məqsədəuyğun hesab edirsiniz?

     

     

    - Haqlısınız. Müxtəlif partiyaların, o cümlədən müxalifət partiyalarının sıralarında Gürcüstan azərbaycanlıları təmsil olunurlar. Bunu mən müsbət qarşılayıram. İcmamızın inkişafı üçün, ən azından, müxtəlif seçki platformalarının icma daxilində müzakirə predmeti olması baxımından azərbaycanlıların belə fəallığı faydalı ola bilər. Lakin burada əhəmiyyətli olan bir məqam qeyd edilməlidir. Çalışmaq lazımdır ki, partiyaların siyası maraqları bölgə əhalisinin maraqlarına qarşı qoyulmasın. Bu, çox əhəmiyyətli məsələdir. Mən Gürcüstanda fəaliyyət göstərən siyasi partiyaların konkret millətlərin, etnik azlıqların əleyhinə siyasət yürütdüklərini xatırlamıram, belə bir fakt yadıma gəlmir. Lakin bu partiyalara qoşulan insanlar siyasəti şəxsi maraqlarına tabe etdirdikdə partiya maraqları ilə icmanın, seçici kütləsinin maraqları arasında ziddiyyət əmələ gəlir. Namizəd seçki prosesinə qoşulursa, rəqiblərini təhqir etməməlidir. Nəzərə almaq lazımdır ki, digər rəqiblərin də arxasında müəyyən qədər tərəfdaş dayanır. Bu, sonda münaqişəyə səbəb ola bilər. Mən seçkilərdə hakim partiyanı təmsil edirdim. Bütün seçki marafonu boyu rəqiblərimizlə hörmətlə davrandıq. Heç bir şəxsi təhqirə imkan vermədim. Son iki ildə təhsil sahəsində gördüklərim işlərlə, gələcəkdə həyata keçirə biləcəyimiz planlarımızla seçiciləri tanış etdim. Düşünürəm ki, elə ilk turda çoxsaylı namizədlər sırasından mənim tələb olunan 50%-dən artıq səs toplamağımda bu amil həlledici oldu. Son nəticədə hansı namizədə etimad göstərəcəyinə xalq özü qərar verir. Xalqın gözü tərəzidir. Ən düzgün qiyməti də sənə o verəcək. Namizəddən tələb olunan isə bu günədək gördüyü real işlərlə, gələcək planları və bu planların icrası yolları ilə xalqı tanış etməkdir. Xalq üçün bu çox əhəmiyyətlidir.

     

     

    - Qarşıda sizi 4 illik parlament fəaliyyəti gözləyir. Bu fəaliyyətinizdə özünüz üçün hansı hədəfləri müəyyənləşdirmisiniz?

     

     

    - Doğrudan da, qarşıda bizi çox məsuliyyətli 4 il gözləyir. Seçicilərin məndən konkret gözləntiləri var. Təbii ki, təmsil olunduğum siyasi partiya daxilində seçicilərə verdiyimiz sözə əməl etmək üçün ciddi çalışacağıq. Sosial, iqtisadi islahatlarla bağlı islahat paketləri hökumətimiz tərəfindən formalaşdırılaraq, artıq icrasına başlanılır. Təhsil sahəsində təcrübəsi olan bir parlament üzvü kimi (Red: həmsöhbətimiz əvvəllər təhsil sahəsində çalışmış, 2014-2016-cı illərdə isə Marneuli Təhsil Resursları Mərkəzinin rəhbəri olmuşdur) parlamentin “Təhsil, Elm və Mədəniyyət” Daimi Komitəsinin üzvü qismində elm, təhsil, mədəniyyət sahələrində nəzərdə tutulan islahatları tənzimləyəcək qanunverici bazanın inkişafında fəal iştirak etməyi planlaşdırıram. İcmamız daxilində isə mehribançılıq, əməkdaşlıq imkanlarının sərhədlərinin genişlənməsinə çalışacağam. Hazırda Gürcüstanın, o cümlədən bizim bölgənin sosial-iqtisadi vəziyyəti normaldır, ildən ilə də yaxşılaşır. Marneulinin inkişaf dinamikası göz qabağındadır. Həllini gözləyən problemlərə gəldikdə isə, bu problemlər tək bizim bölgəyə aid deyil, Gürcüstanın bütün bölgələrində rast gəlinir. Gürcüstan hökuməti də bu sosial problemlərin həlli, yeni iş yerlərinin yaradılması, infrastruktur layihələrinin reallaşdırılması kimi hədəflərlə bağlı ciddi addımlar atmaqdadır. Gürcüstanın inkişafında biz azərbaycanlıların da önəmli payı var. Gürcüstan azərbaycanlıları hər zaman bu dövlətin sadiq vətəndaşları olublar. Biz Gürcüstan dövlətinə hər zaman problem yox, fayda gətirmişik. Bilirsiniz ki, Gürcüstan ərazisinə, əhali sayına görə kiçik olsa da, Avropada, dünyada hörmətlə yanaşılan dövlətlər sırasında yer almaqdadır. Gürcüstan demokratik, insan azadlıqlarına təminat verilən, sərbəst, təhlükəsiz yaşayış mühitinə malik bir ölkədir. Təəssüf ki, bu gün Gürcüstanın iki bölgəsi – Abxaziya və Cənubi Osetiya işğal altında qalmaqda davam edir. Biz azərbaycanlılar da bu bölgələrin Gürcüstanımıza qayıtması yolunda əlimizdən gələni etməliyik. İstərdik ki, Gürüstanda yaşayan bütün xalqların nümayəndələrinin birgə səyləri ilə nail olduğumuz rahat yaşam imkanlarını bizim abxaz, osetin qardaşlarımız da görsünlər və bu, onların çoxmillətli böyük gürcü ailəsinə geri dönüşünə bir stimul olsun.