Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    15
    14:32:13
    Dekabr
    1008 nəfər oxuyub

    Bağda ərik qurtardı: xarici şirkətlər ölkəmizi tərk edir

    "Jumeirah" brendi və "Jumeirah Bilgah Beach Hotel" sahibkar şirkəti ilə əldə olunan razılığa əsasən "Jumeirah" riteyli Azərbaycanı tərk edir.

    Tərəflər arasındakı idarəetmə müqaviləsi bu ilin sonunadək, yəni 31 dekabr 2016-ci ildə bitəcək. Bununla əlaqadar olaraq 2017-ci ildən hotel daha "Jumeirah" adını daşımayacaq. 

    Son bir il ərzində Azərbaycanda artıq üçüncü hotel brendindən məhrum olur. 2015-ci ilin yayında "Rixos" brendi "Samaxi Platinum Hotel by Rixos"dan imtina edəndən sonra hotel "Samaxi Palace Sharadil Hotel" kimi transformasiya olundu. 2016-ci ilin iyulunda isə "Kempinski" brendi “Kempinski Hotel Badamdar”dan gedəndən sonra hotel “Badamdar Hotel Baku” adı ilə fəaliyyətini davam etdirir.

    Dünən isə 5 xarici şirkətin filialı və nümayəndəliyinin ləğv olunması ilə bağlı Vergilər Nazirliyi məlumat yaydı. Bundan əvvəl bir neçə xarici şirkət də Azərbaycandakı nümayəndəliklərini bağlamışdı. 

    Xarici şirkətlərin, beynəlxalq brendlərin Azərbaycandan getməsinin səbəbi nədir və bu gedişin ölkəmizə nə kimi təsirləri olacaq? Milli valyutanın günü-gündən dəyərini itirdiyi, neftin ucuzlaşdığı bir dövrdə, əksinə, xarici investorları ölkəyə cəlb etmək daha yaxşı olmazdımı?

    Bu barədə iqtisadçılar danışır.

     

     

    “Artıq xarici şirkətlər üçün Azərbaycanda biznes mənfəətli deyil”

     

    İqtisadçı-ekspert Əkrəm Həsənov bildirib ki, xarici şirkətlərin ölkədən getməsinin səbəbi gəlirin olmaması, risklərin isə əksinə – daha çox olmasıdır:

     

    "Kimsə – fərqi yoxdur yerli və ya xarici şəxs – Azərbaycanda biznesini bağlayırsa, deməli, həmin biznes ona artıq sərf etmir, mənfəətli deyil. Hər hansı biznes gəlir və xərclə bağlıdır. Gəlir xərcdən çoxdursa, mənfəət var, həmin bizneslə məşğul olurlar. Amma başqa meyar da var: risklər. Yəni mənfəət ola bilər, amma həmin mənfəəti və biznesi itirmək riski də yüksək ola bilər. Bu halda biznes sərfəli deyil. Azərbaycanda son 10-15 ildə ucuz neft pulları hesabına biznesin bir çox sahələrindən yüksək mənfəət götürmək olurdu.  Hətta il ərzində qoyduğunu ikiqat götürmək, yəni 100% mənfəət əldə etmək mümkün idi. Aparıcı ölkələrdə belə yüksək mənfəət olmur. Buna görə də xarici şirkətlər ölkəmizə axışmışdı. Təbii, risklərimiz də çox idi. Əsas risk qanunun aliliyinin olmaması, korrupsiya, ədalətsiz məhkəmə və sairə idi. Yəni biznesmen bilirdi ki, yüksək mənfəətli ölkəyə gəlir, amma qeyri-adi riskləri də ola bilər. Sadəcə düşünürdü ki, ona ilişənin ağzına pay atıb işinə davam edəcək. Əsasən, belə də olurdu. Həm yerli, həm də xarici sahibkar işini görürdü, ona ilişən məmur və ya rəqiblə isə pulla sövdələşə bilirdi ki, biznesi və mənfəəti qanunsuz yolla əlindən alınmasın.

     

    Amma hazırda ölkəmizdə böhrandır. Ucuz və asan pul yoxdur, mənfəətlilik azalıb. Yəni mənfəət var, amma azdır. Amma risklər olduğu kimi qalıb. Buna görə də sahibkar (yerli də, xarici də) düşünür ki, yaxşı, tutaq ki, lap qazandım, amma məsələn, icra hakimiyyəti biznesimi qanunsuz olaraq əlimdən almaq istəsə, ona verməyə pulum çatmayacaq, verəcək məni məhkəməyə, ora da verməyə pulum yoxdur, uduzacam işi və sairə. Yəni mənfəətlilik azalıb, risklərimiz isə azalmayıb. Bax buna görə də Azərbaycanda biznesin bağlanması halları artıb".

     

    “Xarici şirkətləri cəlb etmək üçün riskləri azaltmalıyıq”


    Ekspert hesab edir ki,  biznesin bağlanması qeyri-neft sektorunun azalması deməkdir, bu  da ölkə iqtisadiyyatına zərər vurur:

     

    "Neft sektorumuzun azaldığı dövrdə bunun olması iqtisadiyyatımıza ciddi zərər vurur, inkişaf əvəzinə tənəzzül var. Halbuki hazırda qeyri-neft sektorunu artırmaq lazımdır, yeni şirkətlər, sərmayələr cəlb etmək lazımdır. Amma onlar niyə gəlsin, axı? Riskləri azaltmalıyıq ki, gəlsinlər. Yəni məhkəmələr müstəqil, ədalətli olmalıdır. Qanunlar işləməlidir. Ölkəyə pul qoyan əmin olmalıdır ki, oyun qaydaları pozulmayacaq, sahibkar qorunacaq. Bunun üçün gərgin və ardıcıl işləmək lazımdır. Necə ki, Gürcüstan etdi! Niyə bizim öz sahibkarlarımız belə pulunu Azərbaycana deyil, Gürcüstana yatırır? Çünki orada qanunlar işləyir, məhkəmələr ədalətlidir, sahibkar onlara arxalanır. Bizdə bunlar olmayınca, iqtisadiyyatımız yalnız geriyə gedəcək".

     

     

    “İnsanların alım gücünün və gəlirinin azalması Azərbaycana marağı azaldıb”

     

    İqtisadçı-ekspert Natiq Cəfərlinin sözlərinə görə, xarici şirkətlərin və brendlərin ölkəni tərk etməsi birbaşa iqtisadi aktivliyin azalmasıyla bağlıdır:

     

    "Şirkətlərə nisbətən otellərdə vəziyyət fərqlidir. Otellərdə nümayəndəlik deyildi, idarəetmə müqavilələri idi. Yəni Azərbaycanda bəzi otellər böyük otellər şəbəkəsinin adını almışdı və müqavilələr də orda hər ilin əvvəli yenilənirdi. Çox güman ki, növbəti ildə bəzi müqavilələri yeniləmək üçün əlavə vəsait lazımdır. İllik 1-1,5 milyon vəsait tələb olunur. Ola bilsin ki, bəzi otellər öz adı altında fəaliyyət göstərməyə üstünlük verib və beynəlxalq brendlərdən imtina edib. Bu da maliyyə çatışmazlığı, gəlirlərin azalması ilə bağlıdır. Otellərin getməsinin əsas səbəbi budur. Xarici şirkətlərin nümayəndəliklərinə gəldikdə isə müxtəlif səbəblər var. Obyektiv səbəb odur ki, iqtisadi aktivlik, ticarətin dövriyyəsi, insanların alıcılıq qabiliyyəti zəifləyib və buna görə də xarici şirkətlərin marağı azalıb. Subyektiv səbəb isə illərdir davam edən xroniki problemlərdir. Bu investisiya mühitinin yaxşı olmaması, mülkiyyətlə, məhkəmə hakimiyyəti ilə, leqal işləməklə bağlı problemlər, Azərbaycanın Ümumdünya Ticarət Təşkilatına üzvlüyü, beynəlxalq normaların qəbul olunmasını gecikdirməsi ilə bağlı problemlərdir. Təbii ki, bütün bu problemlər də şirkətlərə təsir göstərir. Amma son zamanlar Azərbaycanda büdcə xərcləmələrinin, büdcə layihələrinin, insanların alım gücünün və gəlirinin azalması da Azərbaycana qarşı marağı azaldıb. Nümayəndəliklərin bağlanmasının əsas səbəbləri bunlardır”. 

     

    “Hökümətin atdığı addımlar xarici şirkətlərdə maraq yaratmağa kifayət etmir”

     

    İqtisadçı xarici şirkətlərin ölkəyə cəlb olunması üçün iqtisadi aktivliyin artırılmasının, güzəştlərin tətbiq olunmasının vacibliyini vurğulayıb:

    "Əslində, əsas hədəf xarici şirkətlərin cəlb edilməsi olmalıdır. Bunun üçün investisiya mühiti yaxşılaşdırılmalı, müəyyən güzəştlər tətbiq olunmalıdır ki, xarici şirkətlərin burada çalışmaq üçün marağı yaransın. Görünən odur ki, hələlik hökümətin apardığı siyasət və atdığı addımlar bu marağı yaratmağa kifayət etmir".