Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    10
    21:52:47
    Noyabr
    1181 nəfər oxuyub

    Obama iqtidarı da, müxalifəti də aldatdı

    Obama out, Trump in

    Xeyli müddət idi ki, dünyanın diqqəti ABŞ-da keçirilən prezident seçkilərinə yönəlmişdi. Artıq seçkilər başa çatıb və prezident seçilib. Çoxlarının gözləmədikləri halda Donald Tramp mübarizədən qalib ayrıldı və belə demək mümkünsə, bir anda diqqət mərkəzinə düşdü. Seçki kampaniyası zamanı istər nitqləri, istər davranışları və s. ilə daim tənqid olunan Tramp indi dünyanın bir nömrəli müzakirə mövzusudur. Məhz, bu səbəbdəndir ki, dünya mətbuatı onun haqqında müxtəlif məlumatlar verir, həyat və fəaliyyətini, seçki kampaniyası zamanı çıxışlarını araşdırır, onu uğura aparan faktorları tapmağa çalışır. Trampın verdiyi vədlər və onlara nə dərəcədə əməl edə biləcəyi də diqqət mərkəzindədir. Bütün diqqətlərin Trampın üzərinə yönəldiyi bir vaxtda hazırkı prezident Barak Obama sanki kölgədə qalır və belə demək mümkünsə, bu hay-küydə unudulur. Halbuki qısa bir müddət sonra prezidentlik postundan gedəcək olan Obamanın müzakirə edilməsi daha doğru olardı. Çünki o, dünyanın ən qüdrətli dövlətinin başçısı kimi qlobal siyasətdə mühüm rol oynayırdı və qərarları bir çox ölkələrə birbaşa təsir edirdi. Təbii ki, Obama hakimiyyətə gələrkən bir sıra vədlər vermişdi ki, onlara nə dərəcədə əməl edib-etmədiyi hələ uzun illər boyunca müzakirə olunacaq.

     

    Müsəlman Obama müsəlmanlara qarşı

    Obama hakimiyyətə gəlməzdən öncə Buş administrasiyası müsəlman ölkələri ilə münasibətləri korlamış və Amerikanın İslam ölkələrində reytinqi xeyli aşağı düşmüşdü. Belə olan halda yeni prezidentin bu problemi həll edəcəyi gözlənilirdi. Elə Obamanın “zorla” müsəlman elan edilməsi də bunun nəticəsi idi. Barak Obamanın özü də bunu bilməmiş deyildi və seçki vədlərində müsəlman ölkələr xüsusi yer tuturdu. Məsələn Obama qoşunları Əfqanıstandan geri çəkəcəyini bildirirdi. Lakin bu baş vermədi. 2001-ci ildə Əfqanıstana girən ABŞ hərbçiləri hələ də oradadırlar. Üstəlik Obama hakimiyyətə gəldikdən sonra nəinki qoşunlar Əfqanıstandan çıxarıldı, hətta onun sayı artırıldı. Belə ki, 2009-cu ilə qədər bu ölkədə 17 min olan əsgər sayı təxminən 50% artırıldı.

    Barak Obamanın müsəlman ölkələri ilə bağlı daha bir vədi İraqa aid idi. Hələ ilk dəfə seçilməmişdən öncə gələcək prezident İraqda uzun müddət qalmayacaqlarını, yalnız kiçik bir hərbi birləşmə saxlayacaqlarını bəyan etmişdi. 2011-ci ildə ABŞ orduları İraqdan çıxsa da, sonra vəziyyət dəyişdi. Hazırda İraqda davam edən müharibədə ABŞ ordu birləşmələri də iştirak edirlər ki, bu da Obamanın bu vədini də yerinə yetirmədiyini göstərir.

    Suriya münaqişəsində də eyni hal yaşandı. Prezident ilk vaxtlarda Suriyada baş verənlərə müdaxilə etməsə də, sonradan siyasətini dəyişdi və Əsəd rejiminin hakimiyyətdən getməli olduğunu bildirdi. Nəticədə bu ölkədə müxalifləri dəstəkləyən bir sıra addımlar atıldı, hakimiyyətin dəyişdirilməsi üçün siyasi və hərbi vasitələrdən istifadə edildi. Çıxışlarından birində “ABŞ ordusu Suriyaya girməyəcək” desə də, hazırda ölkəsi Suriya müharibəsinin əsas iştirakçılarından biridir və belə görünür ki, bu məsələdə də Obama sözünə əməl etməyib.

    Quantanamo həbsxanası da Obamanın planlarına daxil idi. Gələcək prezident seçkiöncəsi kampaniyada dəfələrlə buranı bağlayacağını bəyan etmişdi. O, çıxışlarından birində “Əbu Qureyb həbsxanasının qaranlıq dəhlizlərində və Quantanamonun gizli hücrələrində ən qiymətli dəyərlərimizi qurban verdik” deyirdi. Doğrudur, Obamanın hakimiyyəti dövründə oradakı məhbusların sayı xeyli azaldıldı, lakin həbsxana hələ də fəaliyyət göstərir.

     

    Sevgi qalib gəldi

    Obamanın vədləri, təbii ki, yalnız hərbi və siyasi məsələləri deyil, eyni zamanda digər sahələri də əhatə edirdi. Bu sahələrdən biri də səhiyyə sistemi idi. Ona qədər səhiyyə sistemində baş qaldırmış ciddi problemlərin bir hissəsi Obama dövründə həll edildi. Məsələn, o, vətəndaşların istədikləri sosial sığorta paketlərini seçə bilmələri üçün zəmin hazırladı. Lakin bununla belə vətəndaşların sığorta xərclərini aşağı salacağı ilə bağlı məsələni həll etmədi. Onun dövründə amerikalılar səhiyyə sığortası üçün daha çox pul ödəməyə başladılar.

    Obamanın bir digər fəaliyyət sahəsi də ictimai bərabərlik məsələsi idi. Belə ki, onun dövründə həmcinslərin nigahı qanuniləşdirildi. Hətta prezident bunu tvitter səhifəsində “Sevgi qalib gəldi” şəklində elan etmişdi. Bundan başqa qadınların hüquqları ilə bağlı problemlər də aradan qaldırıldı. Lakin Obama, hər nə qədər gözlənilməz olsa da, qaradərili vətəndaşlar üçün yaranan problemlərlə yadda qaldı. Belə ki, onun dövründə ölkənin qaradərili əhalisinə təzyiqlər artdı, müxtəlif hadisələr zamanı polis zorakılığı nəticəsində zəncilər öldürüldü.

     

    Obama iqtidarı da, müxalifəti də aldatdı

    Azərbaycanın da Barak Obamadan ciddi gözləntiləri var idi. Azərbaycanlılar Obamanın Qarabağ məsələsini həll edəcəyini, üstəlik prosesin Azərbaycanın xeyrinə baş tutacağına inanırdılar. Lakin gözləntilər özünü doğrultmadı. Onun dövründə də bu məsələdə, demək olar ki, heç bir xüsusi irəliləyiş baş vermədi. Müxalifətin də ondan gözləntiləri böyük idi. Onun ölkədə demokratiyanın inkişafı üçün hakimiyyətə təzyiqlər edəcəyi güman edilirdi. Lakin bu da olmadı. Belə ki, kiçik hallar istisna olmaqla ABŞ ölkədə baş verənlərə göz yumdu. Obamanın dövründə bəlkə də azərbaycanlıları razı salan yeganə məsələ onun hər il ənənəvi çıxışında “soyqırım” sözünü işlətməməsi oldu. Hər il ermənilər bunu gözləsələr və ümid etsələr də, bu baş vermədi. Prezident soyqırım yerinə “böyük fəlakət” ifadəsini istifadə etməklə kifayətləndi.

     

    Tramp azərbaycanlıların dostudur, Azərbaycanın dostu ola biləcəkmi?

    Artıq Obama prezidentliyinin son günlərini yaşayır. Başqa sözlə desək, növbə indi Trampındır. Onun azərbaycanlı dostları haqqında uzun müddətdir ki, yazılır. İndi onun Azərbaycanın dostu olacağı ilə bağlı ümidli fərziyyələr də dolaşmaqdadır. Böyük ehtimalla yenə iqtidar Trampdan Qarabağ, müxalifət isə demokratiya istəyəcək. Amma yeni prezidentin onlara nə verəcəyini zaman göstərəcək ...