Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    20
    18:36:37
    Dekabr
    476 nəfər oxuyub

    ŞƏRQ İNCƏ MƏSƏLƏDİR...

     

     

     

     

     

    Buna qədər də Türkiyədə iki böyük, müdhiş terror hadisəsi olmuşdu – hər ikisi də dekabrın birinci yarısında...

    Ümumiyyətlə, son vaxtlar hər birimiz üçün doğma olan bu ölkədə terrorlar, az qala, adicə bir olaya çevrilibdir – o qədər adi ki, hətta bəzi, özü də böyük “dost” ölkələr bunlara  reaksiya verməyi belə özləri üçün əziyyət sayırlar...

    Sözsüz ki, Rusiya səfirinə qarşı sui-qəsd bütün bu silsilə terror hadisələrindən bir qədər kənarda dayanır, çünki diplomat, özü də yüksək ranqlı bir insan, səfir öldürülübdür!...

    Elə ona görə də dərhal üzə çıxan ilk “ehtimal” bu oldu ki, kimsə Türkiyə ilə Rusiyanın arasını vurmaq istəyir...

    Sözsüz, bu da digər ehtimallar sırasında“yaşamağ”a haqqı olanlardandır. Xüsusən nəzərə alanda ki, iki ölkə arasındakı münasibətlər yenicə normallaşmağa başlayıb. Amma bir azcıq səbrli olmaq lazımdır. Ən azı ona görə ki, baş vermiş insidentin Türkiyə-Rusiya münasibətlərini korlaya biləcəyini düşünmürük...

    Çünki bir az qəribə olsa da, hadisə ilə bağlı Rusiya mediasında indiyədək alışdığımız isterikanı görmədik. Bir fikir bizim diqqətimizi çox cəlb etdi: ruslar özləri yazır ki, baş vermiş olayı “Hələbə görə qisas” kimi dəyərləndirmək olar.

    Elə biz də məhz bu detalın üstündə dayanmaq istərdik. Demirik ki, burada mütləq son Hələb hadisələriylə bağlı nəsə ola bilər və yaxud da ki, olmalıdır...

    Amma bu detal hər halda, Rusiyanı başqa bir şeyə - özünün siyasəti, əsas da Suriyadakı “missiyası” haqqında düşünməyə vadar edə bilərdi. Rusiya Yaxın Şərqdə hansı “oyun”a girdiyinin fərqində olmalıdır. Mən, doğrusu, xatırlamıram ki, “Şərq incə məsələdir!” deyimi hansı ölkənin siyasət və ya elm adamlarına məxsusdur... Onu bilirəm ki, Rusiyada, bir qayda olaraq, Şərqi yaxşı biliblər və bu ölkənin gözəl şərqşünasları olub!

    Bəli, Şərq həqiqətən də çox incə məsələdir... Ona görə də, bir daha deyirəm ki, Rusiya Yaxın Şərqdəki, xüsusən də Suriyadakı missiyasını bir daha təftiş etməlidir.

    Bu ölkə Suriya probleminə qatılmaqla onu daha da alovlandırdı... Bəşər Əsəd rejimi çökmək astanasında idi, amma Rusiya işə qarışmaqla Əsədə də, onun biabırçı rejiminə də “ikinci nəfəs” verdi.

    İndi Suriyada hamı biri-birinə qarşı vuruşur – bu, isə həm də Rusiyanın xidmətidir. Amma düşünmürəm ki, səfirin ölümü bu ölkənin siyasət və diplomatiya adamları üçün “soyuq vanna” olacaq. Onlar hələ məşhur “təyyarə olayı” zamanı müəyyən nəticələr çıxara bilərdilər. Gəl ki, bunu etmədilər və bu dəfə də etməyəcəklər, çünki tarix boyu Rusiya üçün ən qiymətsiz bir şey olub – o da Rusiya insanıdır... 

     

     

    TÜRKİYƏ KİMİN “ƏMİOĞLUSU”DUR?..

     

     

     

     

    Fəqət, başqa cür “düşünən”lər də az deyil. Tez bir zamanda bir az əvvəl qeyd etdiyimiz ehtimaldan savayı başqa “ehtimallar” da meydana çıxdı və hətta diqqəti belə bir detal çəkdi ki, bizim bəzi azərbaycanlılar belə öz təxəyyüllərini işə salmaqdan dayana bilmədilər, tez bir zamanda özləri yeni “ehtimal”lar irəli sürdülər...

    Dövriyyədəki “ehtimal”lardan biri də Qərblə və hətta Fətullah Gülən cənabları ilə bağlıdır. Prinsipcə, hər iki amil diqqətə layiq ola bilər, hərçənd ki, bəzi ölkələrdə sanki Qərbi nədəsə suçlamaq üçün bir fürsət axtarırlar və təəssüf, bizim Azərbaycan da belə ölkələrin cərgəsindədir...

    Qərb, Rusiyanın bölgədəki missiyasından həddindən çox narazıdır və bunu qətiyyən gizlətmir də. Bir az da Türkiyə ilə bağlı narazılqılar var və bu səbəbdən də istisna etmək olmaz ki, burada da Rusiyanı cəzalandırmaq və yaxud da ki, Türkiyə-Rusiya münasibətlərini yenidən soyutmaq istəkləri olsun...

    Elə təsəvvür yaranmasın ki, biz dövriyyədəki bütün ehtimalları bir-bir rədd etməyə çalışırıq. Yox, belə niyyətimiz yoxdur. Düzdür, Qərb, əsas da ABŞ-la Türkiyə arasında münasibətlərçox da rəvan deyil. Amma bizə elə gəlir ki, bunun bir günahı da Ərdoğanın siyasətindədir...

    Məsələ bundadır ki, Türkiyə prezidenti bəzən “kimin əmisi oğlu olması”nı unudur. Türkiyə hələ NATO-nu tərk etməyib, hərçənd, mənə elə gəlir ki, Ərdoğan coşub-daşaraq bir gün bu məsələni də gündəmə gətirə bilər, çünki o, özü üçün elə bir müstəqilliyə can atır ki, həmin müstəqillik heç bir dövlətdə yoxdur; hətta Almaniya da, İngiltərə də düşünüələn dərəcədə müstəqil deyillər...

    Bunu böyük qüsur kimi də qəbul kimi də qəbul etmək lazım deyil– hamı bir planetdə yaşayır, üstəlik, bütün ölkələri biri-birilə müəyyən hərbi və ya siyasi öhdəliklər bağlayır. Ona görə də bir daha deyirəm ki, Türkiyə hələ ki, NATO-nun üzvüdür və bu səbəbdən də Ərdoğan öz ölkəsinin kimin “əmioğlusu” olduğunu unutmamalıdır...

    Bu yaxınlarda ABŞ prezidenti Barak Obama son mətbuat konfransında özünün Suriya böhranına görə də məsuliyyət daşıdığını etiraf etdi. Söz yox ki, belə etiraf bizim üçün elə bir təskinlik yaratmır, çünki haradasa “timsahların göz yaşları”na bənzəyir...

    Üstəlik, onu da qəbul edirəm ki, cəmi Qərb ölkələrini, hətta inəklərin havaya buraxdığı metan qazı daha çox narahat edir, nəinki Suriyadakı faciə! Amma bir məsələ var – etiraf bütün hallarda etirafdır...

    Təəssüf ki, mən bu vaxta qədər Bəşər Əsədin bircə etirafını belə eşitməmişəm. Bu adam hələ bircə dəfə deməyib ki, ölkəsindəki faciə həm də onun təqsiri ucbatından baş verib. Amma Obama bunu etiraf edir... Hərçənd, bir daha deyirəm ki, bəzən etiraflar bizim, xüsusən də  böyük siyasət adamlarının təqsirini azaltmır...

    Amma bir detala diqqət edək. Əsədin atası on illərlə Suriyanı fövqəladə vəziyyət rejimində idarə etmişdi. O, özü də belə edirdi və bu “mina” bir gün partlamalı idi.

    Fəqət, hamı Suriya hadisələrini yalnız və yalnız “Qərbin müdaxiləsi”ylə izah edir! Bunun məhz belə olduğunu qəbul etmək olarmı? Bəlkə, özümüz də razıyıq ki, biz müsəlmanları ta əbədiyyətə qədər diktatura ilə idarə etmək olar?!.

    Fətullah Gülənə gəldikdə isə, indi Türkiyədə hər bir iğtişaşda onun izlərini görmək adicə bir haldır. Ona görə də bu “ehtimal” da bizi təəccübləndirmədi və üstəlik, Rusiya mediasında diqqətimizi bir detal cəlb etdi: guya səfirə atəş açan polis elə 15 iyul hadisələrindən sonra xidməti vəzifəsindən kənarlaşdırılanlardan imiş...

    Amma hətta bu da yekun bir söz deməyə əsas vermir, çünki biz jurnalistik, son sözü demək və ehtimallara nöqtə qoymaq isə təhqiqat orqanlarının işidir...

     

     

     

    GÜNAHIMIZ MÜSƏLMAN OLMAĞIMIZDIRMI?..

     

     

     

     

    Bütün bunların sonu nə olacaq? Doğrusu, Rusiya ilə Türkiyənin münasibətlərinin korlanması məni elə də narahat etmir. Üstəlik, əminəm ki, bu, olmayacaq, çünki Türkiyə höküməti sui-qəsdi hətta Rusiya orqanları ilə birgə araşdıracağını deyib...

    Türkiyə Rusiyanın və rusların timsalında, uzağı, özünün bazarını və turistlərini itirə bilər. Mən də etiraf edirəm ki, hətta bu da az deyil və unutmayaq ki, “təyyarə olayı”ndan sonra türk iqtisadiyatı milyardlarla dollar itirdi – halbuki, soyuq münasibətlər cəmi bir neçə ay çəkmişdi...

    Məni daha çox Türkiyənin ABŞ-la və Qərblə münasibətlərinin soyuya bilməsi narahat edir. Söhbət heç Rusiya səfiriylə bağlı olaydan da getmir. Son vaxtlar həm Türkiyədən və həm də ABŞ-dan soyuqluğu  gerçəkləşdirmək iqtidarında olan addımlar atılır ki, məhz elə onlar bizim narahatlığımızı artırır...

    Bir səbəbi azca əvvəldə dedim: Ərdoğan həddindən artıq müstəqil olmaq istəyir... Amma Qərbin təqsiri də az deyil. Türkiyə, faktiki olaraq, yeganə demokratik islam ölkəsidir və mübaliğəsiz demək olar ki, bütün müsəlman dünyası üçün örnəkdir.

    Bu ölkə həmişə azad Qərb dəyərlərinə və demokratiyaya açıq olub. Təbii ki, ideal demokratik ölkə deyil, Qərblə hələki bu xüsusda yarışmaq gücündə deyil. Amma nəsə var, özü də bu “nəsə” az deyildir...

    Fəqət, Türkiyə Qərbdən özünə qarşı diqqət görmür. Ona anlayışla və səmimiyyətlə yanaşmırlar. Səbəb nədir?

    Dünyanı heç də qara rəngdə görmək istəmirəm. Amma bu gün böyük siyasətdə din amili də var. Müsəlmanların bir dırnaqarası “günah”ı da var: bu da müsəlman olmağımızdır...

    Demirəm ki, bizlər tamam mələyik, yox, pisimiz də, yaxşımız da, hətta lap pislərimiz də var! Hətta aramızda elələrimiz var ki, özümüz də onlar haqda “Filankəs kənd- kəsəyə qoyulası deyil!”deyirik. Amma ki, bütün millətlər və hətta ümmətlər də belədir – pisi də var, yaxşısı da...

    Biz müsəlmanlar indi durub nə edək? Dinimizdən imtinamı edək?.. Bəzi qərblilər islam haqqında elə danışır ki, sanki biz müsəlmanların heç islah olunmaq şansımız yoxdur!..

    Belədirmi? Əlbəttə ki, yox... Buna əmin olmağın bir yolu da müsəlman ölkələrinə daha diqqətlə yanaşamaqdır. Baxın, Türkiyə demokratik, dünyəvi ölkədir, islam dünyasında ciddi bir tendensiyadır və hətta belə deyərdik ki, islamla bağlı qara təsəvvürlərə bir alternativdir – daim ona baxıb “Belə də islam var!” demək olar...

    Elə bu səbəbdən Qərb ölkələri də bir nəticə çıxarmalıdır. Yox, əgər qeyri-rəsmi şəkildə növbəti “səlib müharibəsi”nə start veriblərsə, bunu da açıq desinlər – islam dünyası haqqında, heç olmasa, ağızlarına gələni, ağıllarına gələni danışsınlar...