Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    23
    14:43:14
    Dekabr
    808 nəfər oxuyub

    Şəhid verən millət niyə Atatürkün heykəlini sökməklə məşğuldur?

    Rusiyanın Türkiyədəki səfiri Andrey Karlovun öldürülməsi bir andaca dünya mediasının gündəmini zəbt etdi. Qətlin üzərindən bir neçə gün keçsə də, bu məsələ hələ də müzakirə olunur və belə görünür ki, bundan sonra uzun müddət də diqqət mərkəzində olacaq.

     

    Təbii ki, burada hamını düşündürən bir sual var: Qətli kim sifariş edib? Daha doğrusu, səfirin öldürülməsi bu və ya digər dərəcədə kimin, yaxud kimlərin işinə yaraya bilər?!  Bununla bağlı ən müxtəlif versiyalar irəli sürülür. Bəzi mənbələr Amerikanı, digərləri Fətullah Gülən hərəkatını qətlin potensial sifarişçisi qismində təqdim edir. Bu məsələdə bir müddət islamçı terror təşkilatlarının da adı hallandı. Hətta Rusiya mətbuatı məsuliyyəti “Fəth Ordusu”nun qətlə görə üzərinə götürdüyü haqda məlumatlar versə də, tezliklə bu xəbər təkzib edildi.

     

    Ərdoğan tənqid edilir

    Rusiya mediası başda olmaqla, dünya mətbuatında səfirin qətlinin sifarişçisinin kimliyi haqda iddiaların geniş müzakirə edildiyi bir vaxtda Türkiyə mediası qatilin kimliyini və həyatını araşdırmağa başladı və bir andaca Türkiyə prezidenti Rəcəb Tayyip Ərdoğan tənqid hədəfinə çevrildi. Bəli, hazırda müstəqil türk mətbuat orqanları səfirin öldürülməsində dolayı yolla da olsa, Ərdoğanı günahlandırır. Arqument isə sadədir: Mert Altıntaş kimi insanlar Ərdoğanın hakimiyyəti illərində yetişdi. Əslində, burada az da olsa həqiqət payı var. Belə ki, 1994-cü ildə anadan olan qatil Mevlut Mert Altıntaşın səkkiz yaşı olarkən AKP hakimiyyətə gəlib və o, bu partiyanın hakimiyyəti illərində böyüyüb və təhsil alıb. Bu həmin təhsil sistemidir ki, hər gün keçdikcə dünyəvi dəyərlərin yerini sürətlə dini faktorlar almağa başlayır.  Altıntaş da məhz bu təhsil sisteminin yetirməsi idi. Son illər Türkiyənin sekulyar quruluşunun sürətlə məhv edildiyi, onun yerinə dini tədrisin artması fonunda bu hadisə əslində gözlənilən idi. Üstəlik, bu ilk də deyildi. Bundan öncə də dəfələrlə bu və ya digər formada prezident “altıntaşları” qorumuş, onlara rəvac vermişdi. Elə qətldən bir neçə gün öncə Rusiya səfirliyi qarşısında “Suriya və Hələbə” azadlıq mitinqləri də buna misal olaraq göstərilə bilər. Hər nə qədər hökumət mitinqlərin müstəqil qurumlar tərəfindən təşkil edildiyini bildirsə də, məsələdən AKP-nin xəbərdar olduğu, hətta bu işə xüsusi canfəşanlıq göstərdiyi məlumdur.

     

    Vəziyyəti bu yerə gətirən proseslərdə isə Ərdoğan tək yürüməmişdi. Ona qol-qanad verən Fətullah Gülən vardı. Bu gün isə Gülən sadəcə bu mənzərəni uzaq Amerikadan seyr edir və... (orasını Allah bilir) Artıq bu və ya digər qətllərdə, terrorlarda barmağı olsa da, olmasa da. O, əlini bu işlərə çoxdan, lap çoxdan bulayıb.

     

    “FETÖ” yaptı”, bəs kim yoğurmuşdu?

    Elə sui-qəsddən dərhal sonra Ərdoğan açıqlamasında qətli Fətullah Gülənlə əlaqələndirmiş və səfirin öldürülməsində onun əlinin olduğunu bildirmişdi. Üstəlik, qatilin keçmişdə “Hizmet Hərəkatı”na aid məktəblərdən birində oxuduğu da məlum olmuşdu. İddialarda həqiqət payının olub-olmadığını, əlbəttə, zaman göstərəcək, amma bir şey məlumdur: Fətullah Gülən tərəfdarları elə Ərdoğanın hakimiyyəti zamanında sürətlə çoxaldılar və vəzifə pilləkənlərini sürətlə yuxarıya doğru çıxdılar. Hətta Ərdoğan onların çiyinləri üzərində hakimiyyətə gəlmişdi desək yanılmarıq. Nəticədə, Türkiyə cümhuriyyətinin dünyəvi dəyərlər sistemi bir-birinin ardınca təriqətlərin güdazına qurban getdi. Bu işdə, təbii ki, fətullahçıların da rolu az olmadı. Lakin baş nazir olaraq Ərdoğan bu məsələdə birbaşa məsuliyyət daşıyırdı. Doğrudur, cənab Ərdoğan sonra baş verənlərə görə üzr istəməyi də bacardı və “aldadıldıq” demə cəsarətini özündə tapdı. Bundan başqa gec də olsa səhvlərinin bir hissəsini düzəldə bildi. Amma və lakin, iş işdən keçmişdi. Üstəlik, bu kimi halların yenidən yaşanmayacağının heç bir təminatı yoxdur. Hələ illər öncə öldürülmüş jurnalist Uğur Mumcu bu günləri görərək dinçilərin aktivləşməsinin gələcəkdə ölkə üçün ciddi təhlükələr törədəcəyini görmüşdü. Kim bilir, bəlkə də elə bu kimi fikirlərinə görə öldürülmüşdü, Mumcu.

     

    Zaman Uğur Mumcunu haqlı çıxardı. Türkiyə cəmiyyəti son bir neçə il ərzində Ərdoğanın Mehdi adlandırılmasından tutmuş, peyğəmbər elan edilməsinə, xəlifə kimi qəbulunun vacibliyinə qədər onlarla faktla rastlaşmışmalı oldu. Ərdoğan dəfələrlə bu və ya digər şəkildə İŞİDi, Əl-Nüsra Cəbhəsini dəstəklədi. Üstəlik bu dəstək yalnız sözlərlə qalmadı, iddialara görə həm əməli fəaliyyətə çevrildi.

    Artıq İstanbul və İzmir küçələrində uzun dini geyimlərlə gəzən insanların sayı çoxalması heç kimdə təəccüb doğurmur. Dəfələrlə dindarlar tərəfindən içki  və əyləncə məclislərinə edilən basqınlar, açıq-saçıq geyinən qadınlara qarşı törədilmiş fiziki təzyiqlər Türkiyə üçün artıq adi hala çevrilib. Üstəlik, əksər hallarda günahkarların özlərini dini fikirlərlə müdafiə etməsi və nəticədə cəzalandırılmaması adi hala çevrilib. Belə olan halda günlərin bir günü Mert Altıntaş kimi birinin çıxıb səfiri öldürəcəyi, ərəbcə şüarlar səsləndirəcəyi də gözlənilən olmalı idi. Amma görünən odur ki, bu da hələ son deyil. Türkiyə cəmiyyəti bundan sonra da bu kimi hadisələrə hazır olmalıdır. Bəli, məlumdur ki, bu tipli cinayətlərdə istifadə edilmək üçün həmişə adam tapılır. Amma, etiraf etmək lazımdır ki, Altıntaş üzərinə düşən rolu oynayarkən çox həvəsli idi və hazırkı Türkiyədə onun yerində olmaq istəyən yüzlərlə, minlərlə gənclər də var.

     

    Azərbaycanı da təhlükə gözləyir

    Türkiyədən və onun sürətlə dindarlaşmasından danışarkən Azərbaycanı da unutmamaq lazımdır. Belə ki, son illər ölkəmizdə də bu kimi hallar çoxalmaqdadır. Son zamanlar radikal dindarlarla bağlı yaranmış problemlər bunu deməyə əsas verir. Təkcə Suriya müharibəsi göstərdi ki, Azərbaycan bu tip radikal fikirləri dəstəkləyən yüzlərlə insan var və hər an qəbul etdikləri ideologiyaya görə əllərinə silah alıb vuruşmağa hazırdırlar. Suriyadan yayılan videolarda azərbaycanlılar buradakı tanışlarını cihada səsləyir, kafirlə müharibə aparmağın vacibliyindən dəm vururdular. Vaxtilə həbsdə olmuş “Musavat” başqanının müavini Tofiq Yaqublu da azad edildikdən sonra türmələrdə olan radikal dindarların real təhlükə mənbəyi olduqlarını açıqlamışdı: “Amma ordakı təhlükə nədən ibarət idi, bilirsizmi? O vəhabilər birmənalı şəkildə deyirdilər ki, çıxacağıq və bircə fətva gəlsin, universitetləri, kinoteatrları dağıdacağıq. Mən ora təzəcə getmişdim. Orda şiə və vəhabilər arasında ciddi toqquşma oldu. Qoşun yeritdilər, yoxsa qırırdılar bir-birini. Dustaqlar arasında İŞİD-ə simpatiyanı mən ilk dəfə Şəkidə müşahidə etdim. Təsəvvür edin, efirdə baş kəsmə səhnəsini göstərirlər, dustaqlar “Allahu əkbər” deyə qışqırır. İnanın, gəlirlər televizorlara baxırlar. İŞİD-lə bağlı nəsə hərəkətli bir xəbər olanda qürur duyurlar, bir-birini təbrik edirlər. Yox, əgər İŞİD-lə bağlı hansısa əməliyyat gedibsə, qüvvələri zəifləyibsə, bunlar qəmginləşir" .

     

    Üstəlik, məsələ bununla da yekunlaşmır. Azərbaycanda təhsilin səviyyəsi aşağı düşdükcə digər zərərli ideologiyalara maraq da artır. Son olaraq “qanuni oğru” Rövşən Lənkəranskinin ölümü zamanı bunu bir daha şahidi olduq.

     

    “Dolya Vorovskaya” çalan 10 yaşlı Ataxan

    Bir neçə gün öncə Xəzər Tv-də verilişlərin birində Ataxan adlı 10 yaşlı klarnet ifaçısı qonaq idi. Əlbəttə, az yaşda xüsusi istedadlı və bacarıqlı bir musiqiçini görmək sevindirici hal idi. Lakin sonra vəziyyət dəyişdi. Belə ki, Ataxandan “Dolya Vorovskaya” ifa etməsini istədilər. Bəli, məhz “Dolya Vorovskaya”. Dəhşətlisi isə o idi ki, o, bunu ifa etməyi bacarırdı və dərhal sifarişi yerinə yetirməyə girişmişdi. Cəmi 10 yaşı var idi ...

     

    P.S: Dünən isə Türkiyənin Rizə şəhərində Mustafa Kamal Atatürkün heykəli götürüldü. Şəhər bələdiyyəsi bildirib ki, heykəlin yerində “15 iyul şəhidləri” abidəsi ucaldılacaq. 15 iyulda şəhid olanlar da bu vətənin övladları idi, onlarla qarşı-qarşıya gətirilənlər də, səfiri öldürən Mərt də, dünən İŞİD-in yandırdığı deyilən iki türk əsgər də... Həm də Atatürkün övladları idi. Bəs həm də Rizənin övladları, Ərdoğanın övladları deyilmi onlar? Elədisə, niyə övladları ölən, öldürən, yandırılan bir vaxtda Atatürkün heykəlini sökməklə məşğuldurlar? Niyə? Onu da Allah bilir, çünki bu sualın heç bir məntiqli cavabı yoxdur. Çünki torpağa hər gün şəhid verən bir dövlət  və millət onların Atasının heykəlini “dəfn” etməz.