Xəbər lenti

  • 2017-02-21
  • 22:50 Azərbaycanlı diplomat Aİ komissarı ilə görüşüb
    22:46 1,4 milyon uşaq aclıqla üz-üzədir
    22:34 Ukrayna da Qarabağdakı "referendum"u tanımır
    22:12 Cocuq Mərcanlıda raket zərərsizləşdirilib
    21:56 Mehriban Əliyevanın deputat mandatı ləğv ediləcək
    21:43 Səfirimiz Gürcüstanın Milli Təhlükəsizlik Şurasının katibi ilə görüşüb
    21:36 Türkiyə və Rusiya daha bir ortaq layihə həyata keçirəcək
    21:17 Səlahəddin Dəmirtaş 5 ay müddətində həbs edildi
    20:59 Trampın qərarları neftin qiymətinə müsbət təsir göstərir
    20:42 İran sərhəd-keçid məntəqəsini bağladı
    20:26 AKP-lilər Mehriban Əliyevanı təbrik etdi
    20:08 Birinci xanım: "Prinsiplərimə sadiq qalacağam"
    20:00 Sabah üç şəhərdə qaz olmayacaq
    19:46 Rusiya İraq kürd müxtar vilayətindən neft alacaq
    19:31 Ermənilər Ağdamı atəşə tutdu
    19:09 Ərdoğan İlham Əliyevi təbrik etdi: Mehriban Əliyevaya görə
    18:53 Elmar Məmmədyarov Türkiyəyə gedir
    18:41 Bakı Mühəndislik Universitetinin nizamnaməsi təsdiq edildi
    18:28 Çində partlayış baş verib
    18:10 “WhatsApp”dan daha bir yenilik
    17:59 "Prezident özündən sonra estafeti Mehriban Əliyevaya verməyi düşünür"
    17:50 Türkiyədəki sonuncu referendum anketinin nəticəsi bəlli oldu
    17:34 "İqtidar komandasına baxanda ən layiqli namizəd Mehriban Əliyevadır"
    17:33 Sergey Markov:Mehriban Əliyevanın vitse-prezident təyin olunması ölkəyə fayda verəcək
    17:22 Elmar Məmmədyarov Türkiyəyə gedib
    17:15 Bərzani Türkiyəyə gəlir
    17:05 Ermənistan baş naziri Gürcüstana səfər edəcək
    16:45 Çin ABŞ-a xəbərdarlıq etdi
    16:33 Novruz Məmmədov: "Hamı bu vəzifədə Mehriban Əliyevanı görürdü"
    16:28 Oskanianın oğlu adam oğurluğunda ittiham olunur
    16:14 Gürcüstanda Kür çayı tullantılardan təmizlənir
    16:02 "İdarəetmədə təkmilləşmə olacaqsa, təyinat effektli olacaq"
    15:56 Elmar Məmmədyarov Belçika xalqını təbrik etdi
    15:45 Yaralı fələstinlini öldürən əsgərə 18 ay cəza
    15:33 BMT: Qəddafinin oğlunun taleyi məlum deyil
    15:07 Mehriban Əliyeva: "Cənab prezident, bu yüksək etimada görə Sizə minnətdaram"
    15:03 "Dünyada analoqu olmayan situasiya yaranıb" - ADP sədri
    14:50 Rusiya dünyanın ən böyük neft istehsalçısı oldu
    14:35 “Parabank”ın məcburi ləğv prosesi dayandırılıb
    14:20 Ağdamda çobanlar atəşə tutulub
    14:04 Arif Hacılı: "Bu təyinat hakimiyyətdaxili qarşıdurmanı gücləndirəcək"
    13:55 Uşaqlar üçün İslam ensiklopediyası hazırlanacaq
    13:50 Roma Papasının nümayəndəsi:Xocalını törədənlər cəzasız qalmayacaq
    13:38 Tailandda körpü dağıldı - Xəsarət alan var
    13:23 Fazil Mustafa: "Bu postun ən layiqli namizədi odur"
    13:22 Dollar bahalaşdı
    13:12 Azərbaycan nümayəndə heyəti İrana səfərə gedir
    13:01 İlham Əliyevin sədrliyi ilə Təhlükəsizlik Şurasının iclası keçirildi
    12:41 Cocuq Mərcanlıda açıq səma altında muzey yaratmaq təklif olunur
    12:31 Yeni vitse-prezident təyin olundu
    28
    13:37:46
    Dekabr
    619 nəfər oxuyub

    2016-cı il hansı ölkələr terrorun qurbanına çevrildi? – STATİSTİKA

    Yekunlaşmaqda olan 2016-cı il daha çox neqativ hadisələrlə yadda qaldı. Hətta mütəxəssislər bu ili “Terror ili” adlandırmaqdan da çəkinmədilər. Çünki 2016-cı ildə terrorun arealı daha da genişləndi və terrordan ölənlərin sayı əvvəlki illərə nisbətən artdı.

     

    Xəbər365.com yola salmaqda olduğumuz ilə nəzər salaraq dünyanın terror xəritəsini sizə təqdim edir:

     

     

    Orta Şərq statistikada birincidir

    2016-cı ildə ən çox terror aktı yenə də Orta Şərqdə qeydə alındı. İraq ordusunun koalisiya qüvvələri ilə birlikdə Mosulda İŞİD-ə qarşı hücuma keçməsi, bu ölkəni terror statistikasında birinci yerə çıxardı. İŞİD itirdiyi hər kəndə görə İraqda terakt törətdi desək, yanılmarıq. Siyahıda ikinci yeri  Suriya və Somali tutur. Somalidə “Əş-Şəbab” qruplaşması paytaxtda və regionlarda dəfələrlə terrakt törətdi.

    Orta Şərqin terror statistikası bununla bitmir. Əfqanıstan və Liviya da bu il terrordan gözünü aça bilmədi. Həmçinin, Misir, Yəmən terrorun ən çox törədildiyi ölkələr siyahısındadır.

     

     

    Türkiyə də terrordan sığortalana bilmədi

    Türkiyə Silahlı Qüvvələri terrorla mübarizə aparmaq üçün Azad Suriya Ordusu ilə birlikdə “Fırat Qalxanı” əməliyyatlarına başladı. Ancaq bu terror hadisələrinin daha da artmasına səbəb oldu. Türkiyə bütün zərbələri əzəli dərdi PKK-dan gözlədiyi bir vaxtda, bu dəfə də İŞİD meydan suladı.

    Elə 2016-cı ilin ilk günlərindən, daha dəqiq desək, yanvarın 12-də Türkiyənin turis məkanlarından biri olan Sultan Ahmet məscidində partlayış baş verdi. 28 yaşlı suriyalı terrorist turistlərin oturduğu kafeyə gələrək vücuduna bağladığı bombanı partlatdı. Partlayış nəticəsində 13 nəfər dünyasını dəyişdi, 16-sı isə ağır yaralandı.

    Ancaq Türkiyənin terror bəlası bununla bitmədi. Bu hadisədən elə bir gün sonra PKK Diyarbəkir şəhərinin Çinar Rayon Polis Şöbəsinə bomba yüklü maşınla və iri çaplı silahlarla hücum etdi. Nəticədə 6 nəfər öldü, 39-u isə yaralandı.

    Fevralın 17-si İstanbulda yenə bomba yüklü maşın Türkiyə Silahlı Qüvvələrinin Baş Qərargahı və TBMM yaxınlığında partladıldı. Bu terraktdan isə 29 nəfər öldü, 61 nəfər yaralandı.

    Fevral ayı ümumilikdə Türkiyənin bölgələrində müxtəlif tipli teraktlar törədildi. Bu teraktların da məsuliyyətini PKK öz üzərinə götürdü. Sözügedən hadisələrdə isə əsas hədəf polis və hərbçilər oldu.

    Martın 17-də PKK İstanbulun Qızılay meydanında yenə terror aktı törətdi. Bombalı maşının partladılması nəticəsində 35 nəfər dünyasını dəyişdi. 2 terrorist də hadisə yerində məhv oldu.

    Martın 19-da İstanbulun ən izdihamlı yeri sayılan İstiqlal küçəsində İŞİD üzvü olan canlı bomba özünü partlatdı. Nəticədə 3 İsrail, 1 İran vətəndaşı öldü.

    İyunun 7-si Veznecilər bölgəsində patlayış nəticəsində 5-i polis olmaqla 12 nəfər dünyasını dəyişdi, 36 nəfər yaralandı.

    İyunun 29-da Atütürk Hava Limanında iki canlı bomba “Kalaşnikov” avtomatlarından ətrafa atəş açdıqdan sonra özlərini partlatdılar. Terror nəticəsində 42 nəfər öldü, 239 nəfər isə yaralandı.

    İyulun 15-də Türkiyə daha bir terror təşkilatı ilə tanış oldu. Bu terror təşkilatı ölkənin müxtəlif yerlərində terrakt törətməsə də, dövlət çevrilişə cəhd göstərməkdə şübhəli bilindi. Məhz bu gün bir qrup hərbçi İstanbulda əsas körpüləri tanklarla tutdu. Bununla yanaşı, Türkiyə Silahlı Qüvvələrinin Baş Qərargahına hücum edərək, qərargah binasını ələ keçirdi. TRT1 televiziyası binasına basqın edildi və televiziyadan ölkədə hərbi çevriliş olduğu ilə bağlı bəyanat oxundu. Türkiyə parlamentinə havadan hücum edildi. Türkiyə prezidenti Rəcəb Tayyib Ərdoğanın qaldığı otelə silahlı şəxslər hücum etdi. Bütün bunlara rəğmən çevriliş cəhdi yatırdıla bildi. Kəşfiyyat İdarəsi və polis bütün bu hadisələrin günahkarı kimi FETÖ terror qruplaşmasını göstərdi. Bundan sonra Türkiyə 2 yox, 3 – PKK, İŞİD, FETÖ terrorçularına qarşı mübarizə aparmağa başladı.

    Dekabrın 11-də Türkiyədə “Beşiktaş” və “Bursaspor” klublarının oyunundan sonra “Vodafone Arena” yaxınlığında partlayış baş verdi. PKK-nın törətdiyi partlayışın əsas hədəfi polislər oldu. Hadisə nəticəsində 36-sı polis olmaqla, 44 nəfər dünyasını dəyişdi.

    2016-cı il Türkiyə üçün terror aktları ilə yanaşı, anti-terror əməliyyatları ilə də yadda qaldı. Türkiyə istər ölkə daxilində, istərsə də Suriya və İraqda terroristlərə qarşı müxtəlif formalı əməliyyatlar keçirdi. Əməliyyatlar nəticəsində yüzlərlə terrorist məhv edildi.

     

     

    Qorxusuz Avropanın qorxulu yuxusu

    2016-cı il Avropa üçün də sakit keçməyib. İŞİD Avropada da müxtəlif terror aktları törətdi. Bu il ərzində terrordan əziyyət çəkən Avropa ölkələri sırasında Fransa və Almaniya ilk yerləri tutur.

    Yanvarın ilk günü Fransada 29 yaşlı tunis vətəndaşı polisə silahlı hücum etdi. Yanvarın 7-si, “Charlie Hebdo” terraktının ildönümündə əlibıçaqlı bir şəxs Parisdə polis şöbəsinə girmək istəyərkən öldürüldü. Onun cibində İŞİD bayrağına bükülmüş ərəbcə məktub çıxdı.

    Yanvarın 11-də 15 yaşlı türk Marsel şəhərində yəhudi müəlliminin başını kəsmək istədi.

    İyulun 14-də Nice şəhərində bir kamazla  “Bastille” Günü münasibətilə keçirilən tədbirin keçirildiyi meydana girdi. Terrorist 2 kilometr ərazidə kamazla adamları əzdi, silahla atəş açdı. Hadisə nəticəsində 10-u uşaq olmaqla 84 nəfər öldü.

    Almaniyada isə iyulun 22-də Münhen şəhərində yerləşən ticarət mərkəzinə hücum edildi. Silahlı insident nəticəsində 13 nəfər həlak oldu.

    Dekabrın 20-də Berlində naməlum şəxs yük avtomobilini Yeni il yarmarkasında insanların üstünə sürdü. Hadisə nəticəsində 12 nəfər öldü, 50 nəfər yaralandı.

    Avropanın digər şəhərləri Belçika və İsveçrədə də il ərzində terror aktları qeydə alındı.

     

     

    Böyük dövlətin böyük baş ağrısı

    2016-cı il ABŞ üçün daha çox prezident seçkiləri ilə xarakterizə olundu. Ancaq seçki kampaniyası terror aktları ilə müşayiət olundu. Yanvarın 7-də Filadelfiyada naməlum şəxs polisi vuraraq qaçdı. Qolundan yaralanan şəxs xəstəxanada həbs edildi və o, İŞİD-ə sədaqət andı içdiyini bildirdi.

    Fevralın 11-də terrorist restorana hücum edərək 4 nəfəri yaraladı, özü isə öldürüldü. İyunun 13-də Florida ştatında gecə klubuna basqın edildi. 29 yaşlı Ömər Mətin açdığı atəş nəticəsində 50 nəfər öldü, 53 nəfər isə yaralandı. Noyabrın 29-u isə Ohayo Universitetinə silahlı hücum oldu. Universitet tələbəsi Əbdül Razak Əli Artan 2 polis işçisini öldürüb, 11 nəfəri isə yaraladı.

     

    Rusiya səfirlikləri üçün uğursuz il

    Rusiya da bu il terrordan yaxasını qurtara bilmədi. Fevralın 15-də Dağıstan Respublikasının Dərbənd rayonundakı yol polisi postunda terror aktı törədildi. Hadisə nəticəsində 4 nəfər həlak oldu, 5 nəfər isə ağır yaralandı.

    Aprelin 11-i isə Stavropolda Daxili işlər şöbəsi binasının qarşısında kamikadzelər özlərini partlatdılar.

    Bu il Rusiyanın xarici səfirlikləri də terrordan xilas ola bilmədi. Belə ki, Rusiyanın Əfqanıstandakı səfirliyi yaxınlığında  partlayış baş verdi. Hücumu Taliban öz üzərinə götürdü. Hadisə nəticəsində 7 nəfər öldü, 25-i isə yaralandı.

    İl ərzində Rusiyanın Suriyadakı səfirliyinə iki dəfə hücum edildi.

    20 naməlum şəxs Ukraynadakı səfirliyinə fişənglərlə hücum etdi, hadisə nəticəsində zərər çəkən olmadı.

    2016-cı ilin son günlərində, dekabrın 19-da Rusiyanın Ankaradakı səfiri Andrey Karlov sərgidə çıxışı zamanı güllələnərək öldürüldü. Hadisəni Mert Altıntaş adlı polisin törətdiyi məlum oldu. O, FETÖ üzvü olmaqda şübhəli bilinir. Hadisənin Rusiya, Türkiyə və İran xarici işlər nazirlərinin Suriya məsələsini müzakirə etmək üçün görüşündən bir gün əvvəl baş verməsi də dünya mediasında xüsusi diqqət çəkdi.

     

    Azərbaycanda terror yox, anti-terror əməliyyatları oldu

    Azərbaycanda bu il heç bir terror aktı qeydə alınmadı. Bununla yanaşı, 2016-cı il anti-terror əməliyyatları ilə yadda qaldı. Dövlət Təhlükəsizlik Xidmətinin keçirdiyi anti-terror əməliyyatları zamanı onlarla şəxs həbs edildi. Həbs edilənlərin üzərindən müxtəlif silah-sursat əldə olundu. Əməliyyatlar zamanı məlum oldu ki, həbs edilənlərdən bəziləri Bakının müxtəlif yerlərində terrakt törətmək niyyətində olublar.