Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    01
    23:55:25
    Yanvar
    1365 nəfər oxuyub

    Qərb üçün demokratiya Qərb üçündür

     

     

    2016-cı il hamımızı çox yordu. Hər gün monitor qarşısına keçər-keçməz dünyanın hansısa nöqtəsində baş verən terror hadisəsindən, az və ya çox sayda insan ölümündən xəbər tutduq.

    Bəlkə də biz şanslıydıq, çünki bu kimi terakt xəbərlərinin sadəcə oxucusu olduq. Ancaq yenə də qanımızın qaralmadığı bircə gün belə olmadı. Çünki il boyu qardaş Türkiyənin, demək olar ki, mərkəzindən tutmuş ucqar kəndlərinə qədər hər yerində terror hadisəsi baş verdi. Bu terrorun hədəfi bir dəfə mülki vətəndaşlar oldusa, bir dəfə hərbçilər, polislər, əsgərlər oldu. Bu terrorları bir dəfə İŞİD öz üzərinə götürdüsə, bir dəfə PKK üstləndi. Türkiyənin dərdi azmış kimi ortaya terror törədən üçüncü qüvvə çıxdı - FETÖ. Kəsəsi, ötən il terror ili adını üstünə götürüb təqvimdən çıxdı.

     

    2017-ci il gəldi. Ümidləndik, faciələr ötən ildə qaldı deyə...

     

    Yeni il gecəsi İstanbulda Şaxta baba qılığına girmiş şəxs (ya da şəxslər) “Reina” əyləncə klubuna silahlı hücum eləyərək 40-a yaxın insanı öldürdü, 70-dən çox insanı  yaraladı.    

     

     

    Nə baş verir Türkiyədə? Nədir bu qanlar, bu terrorlar..

     

     Bir az məntiqli adamlar üçün hadisələri analiz edib doğru rəy çıxarmaq heç də çətin olmur.

     

    Deməli, mən dəfələrlə sonuncu terror hadisəsinin baş verdiyi həmin klubda olmuşam və yaxşı bilirəm ki, o məkana kiminsə silahla girməsi mümkün deyil. Buna cəhd eləyəni yerindəcə öldürərlər. O, nə qədər hazırlıqlı və güclü olsa belə, insident qapı önündən o tərəfə keçə bilməz. Məkan hər zaman dənizdən və qurudan yuksək səviyyədə qorunur. Çünki “Reina”, Türkiyənin əyləncə və gecə həyatının bir nömrəsidir. Orda bir gecədə toplaşan insanların bəzilərinin şirkətlərinin illik dövriyyəsi Türkiyənin dövlət büdcəsindən çoxdur. Belə bir məkana Şaxta baba qiyafəsində terrorçu necə girə bilər?

     

    Bu suala cavab tapa bilmək üçün olayları diqqətlə və ardıcıllıqla nəzərdən keçirək.

     

    Ankarada səfir öldürülür və qatilin, səfirin arxasında mühafizəçi rolunda dayanan polis  olduğu müəyyənləşdirilir. Sonra isə məlum olur ki, bu şəxs heç həmin gün növbətçi deyilmiş, orda olmamalı imiş. Ən əsası isə bu adam 8 dəfə prezidentin xüsusi mühafizəsində yer alıb.

     

     

    İndi isə İstanbulda ən yüksək səviyyədə qorunan məkanda terror baş verir,  yenə qarşısı alına bilmir.

     

    Bu, o deməkdir ki, artıq teror hadisələrinin rəngi dəyişir. Həm Andrey Karlovun qanını tökməyə göndərilən polis, həm də "Reina"ya təşrif buyuran “Şaxta baba” başqa mesaj verir. Oyun daha ciddi və təhlükəli xarakter almağa başlayır. Yaxud da terror sifarişçiləri demək istəyirlər ki, biz oyun oynamırıq, bizi ciddiyə alın.

     

    Bir məqama da diqqət yetirək. “Reina”nın sahibi Mehmet Koçarslan “Hüriyyət” qəzetinə açıqlama verir və Amerikanın Mərkəzi Kəşfiyyat İdarəsinin belə bir təhlükənin ola biləcəyi ilə bağlı ona xəbərdarlıq etdiyini deyir. Üstündən 3-4 saat keçəndən sonra isə “acıdan nə söylədiyimi bilmirdim” deyərək təkzib verir. Birincisi, Mehmet Koçarslan kifayət qədər sanballı adamdır və nəyisə bilmədən, düşünmədən söyləmək ehtimalı yox dərəcəsindədir. İkincisi, açıqlama media sahəsində məktəb sayıla biləcək  “Hürriyət”  qəzetində dərc olunub. Açıqlamanın hansı mətbu orqana və hansı jurnalistə verilməsi çox önəmli məqamdı. Türkiyə siyasəti ilə dərindən maraqlananlar “Hürriyət” qəzetinin proseslərdə hansı rol oynadığından az-çox xəbərdardılar.

     

     

    Hər iki hadisə zamanı Amerika dərhal reaksiya verir, Türkiyə ilə bərabər terrora qarşı mübarizə aparmağa hazır olduğunu deyir. Ümumiyyətlə, Amerika və Avropa mediası olayın baş verdiyi ilk dəqiqələrdə belə TƏƏCÜBLƏNDİRƏCƏK qədər "dəqiq" informasiyalar yayır. İçində bəlli mesajlar olan informasiyalar...

     

    Bu arada Türkiyənin Mosulda uğurlu əməliyyatlar apardığı da gözdən qaçmamalıdır.

     

    Əslində, bu  nüansların hamısı faciənin baş verməsində Qərbin  barmağının olduğunun işarə edir.

     

    Pəki nədən Qərb, bir az da konkretləşdirsək, Amerika?

     

    Ərdoğan doğru və ya yanlış olmasından asılı olmayaraq, müstəqil siyasət yürütmək istəyərək Qərbdə qıcıq yaradır. Bu siyasətin mahiyyətində demokratiya olsun, ya da sultanlıq – bu, başqa bir mövzudur. Söhbət, məhz, müstəqil siyasətdən gedir.  İş ondadır ki, sabah Türkiyədə normal insanlar hakimiyyətə gəlib demokratiya qurmaq istəsələr, ancaq yenə də müstəqil idarəetməyə önəm versələr, eyni hadisələr baş verəcək. Qərb Türkiyəni özündən asılı vəziyyətdə saxlamaqdan ötrü yenə terrora əl atacaq. Çünki onlar üçün hakimiyyətdə kimin oturmasının fərqi yoxdur, əsas məsələ Türkiyəni dizə gətirməkdir.

     

     

     

    TÜRKİYƏNİ DİZƏ GƏTİRMƏYİN YEGANƏ YOLU  İSƏ TERRORDUR.

     

    Niyə terror? Terror siyasi hakimiyətləri istefaya göndərmənin yeni müasir formasıdır. Bu gün Türkiyənin gəldiyi bu nöqtəyə görə hər kəs Erdoğanı suçlayır. Bu barədə fərqli düşünməsəm də, məhz, indi danışmağı çox təhlükəli hesab edirəm: Ərdoğanı suçlamaq vaxtı deyil. Birləşmək, bütöv olmaq vaxtıdır. Dövlət naminə, Atatürkün qurub miras qoyduğu cümhuriyyət naminə birləşmək, bir olmaq, güclü olmaq vaxtıdır. Bölünən xalq və məmləkət güclü olmağa qadir deyil. Bu gün Türkiyəni bir insana bənzətsək, başı, başçısı başqanlıq hayında, bədəni isə Ərdoğanı lənətləmək, onu haqsız duruma düşürmək, daşlamaq, yola salmaq hayındadır.

     

     Bütün bu faciələr, qətllər ona görə olur ki, xalq indiki iqtidardan imtina etsin, terrorun onun ucbatından baş verdiyini düşünsün, bezsin, hazırkı hökumətin yerinə başqası gəlsə, qan-qadanın kəsiləcəyinə inansın və ayağa qalxsın. Zatən bu fikir zaman-zaman səslənir. Ona görə də xalq terror baş verəndə birmənalı şəkildə dövlətin yanında olmalıdır. Onu kimin idarə etməsindən asılı olmayaraq!

     

    Çünki bu, bir sistem məsələsidir. Çünki heç bir dövlətin digərini terrorla hədələyib iqtidarı dəyişmək imkanı olmamalıdır.

     

     Bir dövlət başqa bir dövlətin əlində oyuncağa çevrilməməlidir. Ona görə də xalq belə məsələlərdə diqqətli olmalı və qəbul etsək də, etməsək də, bütün yanlışlarına rəğmən Türkiyə dövlətinin yanında durmalıdı. Bu çox önəmlidi. Bu gün Türkiyə hökumətini suçlamağın bir anlamı yoxdur.

     

    Rusiyanı günahım qədər sevməsəm də, sözün düzünü deməliyik. Rusiya hazırda təkdir və Türkiyənin dostluğuna böyük ehtiyacı var. Bu günün Rusiyası Türkiyəyə qarşı terror törətmək, qan axıtmaq fikrində deyil.

     

     

     

    Yuxarıda da dediyim kimi, bu işdən Qərbin "kokusu" gəlir...

     

    Ən təəssüfləndirici məqam isə odur ki, biz hələ də demokratiya qurmaq üçün Qərbə bel bağlayırıq. Halbuki son illərdə  baş verən bütün olaylar bir şeyi göstərir: QƏRB ÜÇÜN DEMOKRATİYA QƏRB ÜÇÜNDÜR.

     

    Bu regiona demokratiya gətirmək adı ilə həyata keçirilən siyasətin də bircə adı var: QAN, QAN, BİR DƏ QAN...