Xəbər lenti

  • 2017-03-24
  • 23:54 İranda 130 maşın toqquşdu: 59 yaralı
    23:40 Yıldırımdan Kılıçdaroğluna: Əyləci boşalmış avtomobil kimi...
    23:25 Anar Məmmədovun əmlakına həbs qoyuldu - Məhkəmə qərarı
    23:18 Türkiyəyə girmək istəyən 4 PKK-lı saxlanıldı
    22:57 Ərdoğan Türkiyə-Finlandiya matçını izlədi
    22:45 ABŞ-dan Səudiyyə Ərəbistanına növbəti məhkəmə şikayəti
    22:16 Nazirin biabırçı təqdimatı: Xaosun, terrorun memarı...
    21:48 Dünyanın 100 ən gözəl qadını seçildi - türklər də var
    21:36 ABŞ HİV-lə mübarizə üçün Ukraynaya 22 milyon dollar ayırdı
    21:12 İslamofobiçilərin gözlədiyi olmadı: London terrorçusunun əsl adı...
    20:57 Dəkkədə kamikadze özünü partlatdı
    20:43 Nalbandyanla Hoqland görüşdü: Qarabağdan danışdılar
    20:15 Türkiyədə yenə zəlzələ oldu
    20:00 Qırmızı iPhone 7 bu gün satışa çıxarılır
    19:45 "Bugatti" 39 min dollarlıq velosiped hazırladı
    19:23 İŞİD Çeçenistandakı hücumun məsuliyyətini üzərinə götürdü
    19:00 Türkiyə hökuməti “Mercedes”i araşdıracaq
    18:47 Serbiya NATO üzvü olmayacaq
    18:40 İlham Əliyev yunanıstanlı həmkarını təbrik etdi
    18:30 Putinlə Le Pen görüşdü
    18:09 Somali üçün SOS çağırışı: 100 mindən çox uşaq acından öləcək
    17:45 Kuşadasında miqrant qayığı batdı: 11 ölü
    17:30 London terroruna görə tutulanların sayı 9-a çatdı
    17:15 WikiLeaks-dən CİA ilə bağlı növbəti iddia
    17:00 Kiyevdə öldürülmüş sabiq millət vəkilinin qatili məlum oldu
    16:50 Angela Merkel: Türkiyədəki referendumu gözləyək
    16:37 Şimali Kipr referenduma erkən gedəcək
    16:17 Bolqarıstan türk jurnalistləri ölkəyə buraxmadı
    16:00 Kanadadan İslamofobiya əleyhinə qanun
    15:45 Berti Foqts Bakıya gəlib
    15:20 ABŞ-a gediş çətinləşir: yeni viza qaydaları
    15:05 İŞİD türkmən kəndinə basqın etdi: 5 nəfər güllələndi
    14:50 Venesuela əsgərləri Kolumbiyadan çıxdı
    14:40 Türkiyədə zəlzələ oldu
    14:26 Hüsnü Mübarək azadlığa buraxıldı
    14:06 Müdafiə naziri ön xətdə yoxlama apardı
    13:55 Ərdoğan britaniyalı nazirlə görüşəcək
    13:48 AFFA "Zirə" klubunu cərimələdi
    13:36 Lapşin anası ilə görüşdü
    13:25 SOCAR Ukraynaya aviasiya yanacağı satacaq
    13:15 "Sberbank"dan Dadaşeva bacıları haqda yazılanlara təkzib: Yalandır
    13:00 London terroruna görə Azərbaycan səfirliklərinin bayraqları endirildi
    12:55 Çeçenistanda toqquşma: 6 rus əsgəri öldürüldü
    12:44 Azərbaycanda yenilik: virtual laboratoriya yaradılır
    12:38 Qeyri-qanuni taksi sürənlər cərimələndi
    12:25 Sabah Bakıda 14 dərəcə isti olacaq
    12:18 Azərbaycan nefti bahalaşıb
    12:10 Bayram günləri yol qəzalarında ölən və yaralananların STATİSTİKASI
    11:55 Daha bir miqrant faciəsi: 250 nəfərin öldüyü deyilir
    11:45 3 mindən çox Rusiya vətəndaşı Ermənistana gedib
    07
    14:28:03
    Yanvar
    489 nəfər oxuyub

    2017-ci il belə gəlib beləmi gedəcək? – İqtisadi təhlil

    2017-ci il elə ilk günlərindəncə ölkə iqtisadiyyatı, qarşıdakı 12 ay ərzində vəziyyətin yaxşılığa doğru dəyişməyəcəyini göstərdi.  Belə ki, bu ilin ilk valyuta hərracından sonra manat dollara qarşı dəyər itirdi, başqa sözlə desək, ucuzlaşdı. Bundan başqa millət vəkili, Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədovun bu il üçün proqnozları bizi qarşıda nələrin gözləyəcəyi ilə bağlı müəyyən siqnallar verdi.

     

     

    Manat bir az da bahalaşacaq

     

     

     

    Beləliklə, Vahid Əhmədov nə deyib?! Millət vəkili əslində çoxlarına bəlli olan və proqnozlaşdırılan mətləbləri dilə gətirib, amma yarımçıq formada.  Məsələn, o deyib ki, ilin birinci yarısında manatın dəyərdən düşməsi prosesi davam edəcək, ikinci altıaylıqda isə stabilləşmə müşahidə olunacaq. Təbii ki,  bunun hansı həddə qədər olacağı naməlumdur. Bundan başqa cənab Əhmədov neft qiymətlərində müəyyən sıçrayışların ola biləcəyini də deyib ki, bu da qətiyyən ciddi artım mənasına gəlməməlidir. Millət vəkili çıxışı zamanı manatın valyuta bazarında öz dəyərini almalı olduğunu da qeyd edib. Lakin yenə milli valyutanın real bazar dəyərinin nə olduğunu, başqa sözlə desək, bundan sonra manatın daha nə qədər bahalaşmalı olduğunu vurğulamayıb.

     

    Yeni hökumət formalaşmalıdır

     

     

     

     

    Yuxarıda qeyd edilən məsələlər və verilən proqnozlar, təbii ki, yeni deyil. Elə Vahid Əhmədovun özü də daxil olmaqla hakimiyyətə yaxın bir çox  iqtisadçılar konkret fikir söyləməkdən qaçaraq ümumi sözlər ətrafında bu tipli proqnozlar verirdilər. Lakin məsələ burasındadır ki, Vahid Əhmədovun növbəti dedikləri daha maraqlıdır və ciddi məqamlara toxunur, amma yenə yarımçıq şəkildi: “Düzdür, “Strateji Yol Xəritəsi” təsdiqlənib. Xəritədə göstərilənləri həyata keçirmək üçün operativ qərarlar verən, qərarı həyata keçirə bilən hökumət formalaşarsa, mənə elə gəlir ki, bu il müəyyən qədər problemlərin qarşısını ala bilərik. Çünki hazırda Strateji Yol Xəritəsində nəzərdə tutulan çox böyük layihələri həyata keçirmək üçün normal bir hökumətə ehtiyac var”. Bunu necə başa düşək? Yuxarıda qeyd edilən cümlələr dolayısı yolla hökumətin normal olmadığı mənasınamı gəlir? Əgər hökumət normal deyilsə, niyə uzun illərdir, demək olar ki, tərkibi dəyişmədən fəaliyyət göstərir? İndiki hökumət nəyi bacarmır ki, yeni hökumət bunu həll edəcək? Yeni hökumətdə təmsil olunacaq iqtisadiyyat,  maliyyə və kənd təsərrüfatı nazirliyi kimi qurumlarda hər hansı dəyişikliklər baş verə bilərmi? Məsələyə digər tərəfdən yanaşsaq, bu, həm də müstəqil iqtisadçıların böhranın əslində iqtisadi deyil, institutsional xarakterli olması haqda fikirlərini təsdiqləmək mənasına gəlmirmi? Hər halda, Vahid Əhmədovun səsləndirdiyi fikirlər boşuna deyil və bəlkə də ciddi hökumət dəyişikliklərinə hazır olmaq lazımdır. Burada da əsas məqam bu baş verəcəyi təqdirdə yeninin köhnədən nə ilə fərqlənəcəyidir.

     

     

    Yeni qanunlar qəbul edilməlidir

     

     

     

     

    Vahid Əhmədovla davam edirik:  “Yeni qanunların da qəbul edilməsi gözlənilir. İnhisarçılığın qarşısını almaq üçün “Rəqabət Məcəlləsi haqqında” qanunun qəbul edilməsini gözləyirik. Çox istərdik ki, maliyyə ilə əlaqədar müəyyən qanunlar qəbul edilsin. Büdcəyə nəzarət mexanizmini daha da formalaşdırmaq üçün “Maliyyə nəzarəti haqqında” qanun layihəsi qəbul olunmalıdır. İstəyirik ki, 2017-ci ildə müəyyən qədər iqtisadiyyatı stabilləşdirək”.

    Başqa şərhə ehtiyac varmı? Deməli, inhisar var və onun qarşısını almaq zərurəti meydana gəlir. Bu, həm də mövcud qanunların işləməməsi və ya özünü doğrultmaması kimi başa düşülməlidir. Belə olan halda niyə inhisarçılığa görə kimsə cəzalandırılmayıb? Üstəlik yeni qanun köhnədən nə ilə fərqlənəcək? Ora hansı maddə və ya bəndlər əlavə ediləcək ki, inhisarçılığın qarşısını ala bilsin? Məsələn, yeni qanun yaranandan sonra bu vaxta qədər inhisarçılıqla məşğul olmuş iri biznesmen və ya məmur tövbə edib bu işdən əl çəkəcək? Bu proses necə baş verəcək? Millət vəkili bunu da izah etmir və bu vaxta qədər də etməyib.

     

    İslahatlar üçün xarici investisiyaya ehtiyac var

     

     

     

     

    Millət vəkili digər olduqca vacib məsələyə də toxunub. O, “Strateji Yol Xəritəsi”ndə göstərilmiş məsələləri həyata keçirmək üçün ölkədə kifayət qədər maliyyə resurslarının olmadığını bildirib və bunun üçün, təxminən, 27 milyard vəsaitin lazım olduğunu qeyd edib. “Strateji Yol Xəritəsi”ndə göstərilən məsələləri həyata keçirmək üçün maliyyə problemi var. Bunun üçün 27 milyard vəsait lazımdır. Bu vəsait hardan əldən olunacaq? Əksər hissəsi ola bilsin ki, xarici investisiyalar hesabına həyatına keçirilsin. Çünki daxildəki investisiyalar kifayət qədər olmayacaq”. Tərcümə edəsi olsaq, millət vəkili bildirir ki, nə olsun ki, “Strateji Yol Xəritəsi” qəbul edilib, amma orada bu işlərin hansı vəsaitlə həyata keçiriləcəyi göstərilməyib.

    İndi biz bu pulu hardan tapacağıq? Daxildən? Axı, o qədər pulumuz yoxdur. Əksər hissəsi xaricdən? Kim verəcək bizə o qədər pulu? Özü də “ola bilsin ki” niyə? Yəni, bu olmaya da bilər?  Olacaqsa belə, xarici investor ölkəyə investisiyanı qara qaşımıza, qara gözümüzə verəcək? Bir  çox məşhur brendlərin ölkədən getməsi fonunda bu nə qədər realdır – bax, bu suala da cavab verməyib millət vəkili.

     

     

    Bütün bunları necə başa düşək?

     

     

    İllər öncə “Çeşmədən seçmələr”də belə bir lətifə oxumuşdum. Deməli, günlərin bir günü ferma müdiri gəlir prezident Ayaz Mütəllibovun yanına və deyir:

    – Cənab prezident, fermada toyuqlar qırılır, nə məsləhət görürsünüz?

    – Gedin, divara qırmızı üçbucaq çəkin!

    Ferma müdiri gedir və bir neçə gündən sonra yenidən gəlir.

    – Cənab prezident, dediklərinizi etdik, amma toyuqlar yenə qırılır.

    – Bu dəfə də gedin divara yaşıl dairə çəkin!

    Müdir  gedir və bir neçə gündən sonra yenidən qayıdır.

    – Ayaz müəllim, toyuqlar lap azalıb, yaşıl dairə də xeyir eləmədi.

    – Gedin və divara sarı üçbucaq çəkin!

    Ferma müdiri gedir və bir həftə sonra kədərli halda geri qayıdır.

    – Ayaz Niyazoviç, toyuqların hamısı qırıldı.

    Prezident ciddi görkəm alaraq deyir:

    – Eh, mənim hələ nə qədər gözəl ideyalarım var idi.

     

    Bu kimi gözəl ideyaların bizə nə vəd etdiyini isə hələ bilmirik...