Xəbər lenti

  • 2017-03-23
  • 10:00 İran neftinin ilk partiyası bu həftə Belarusa çatdırılacaq
    09:45 Kılıçdaroğlu Londondakı terror aktına münasibət bildirdi
    09:30 Azərbaycan məhsullarının Rusiyaya keçirilməsində problemlər yaranıb
    09:15 Ermənistan Milli Təhlükəsizlik Xidməti Samvel Babayanın həbsini təsdiqləyib
    09:00 Prezident Ərdoğan Tereza Meyə başsağlığı verdi
    03:04 Sevinc Fədai:“Mövlud həmin gün o binanın başına iki dəfə çıxıb...”
  • 2017-03-22
  • 23:50 Silahlı, Londondakı terror hücumunu tək törədib
    23:30 Suriya və İraqda İŞİD-in 180-dən çox lideri öldürülüb
    23:11 Boşanmaların 20-30 faizinin səbəbi: Sosial şəbəkələr
    22:50 "WhatsApp"da 4 yeni funksiya
    22:30 Azərbaycana qarşı amansız olacağıq
    22:10 Bu simptom təhlükəli xəstəlikdən xəbər verə bilər
    21:50 Koalisiya qüvvələri Suriyaya hücumlarını artırıb
    21:30 Londonda törədilən terror nəticəsində qadın ölüb
    21:10 “Naftogaz Ukraine” şirkəti müflis ola bilər
    20:50 Kürdlərə görə Türkiyə ilə dialoqu davam etdiririk
    20:36 Disney "Zveropolis" filmində plagiat edib?
    20:15 İlham Əliyev Pakistan prezidentini təbrik edib
    20:00 Prezidentin oğlu parlament komitəsinin sədri oldu
    19:45 Almaniyada doğulmuş şəxslərin ilk deportasiyası
    19:30 Britaniya parlamentində silahdan atəş açılıb
    19:15 Reks Tillerson tənqidlərlə qarşılaşıb
    19:00 Avropa ölkələri insan hüquqlarına hörmət etməlidir
    18:45 Azərbaycanın dövlət sərhəddini pozan şəxs saxlanılıb
    18:30 Çin Şimali Koreyaya qarşı yeni sanksiyaları dəstəkləmir
    18:15 Danimarkada hicablı işsizlərə müavinət verilməyəcək
    18:00 Xəzərdə meyiti tapılan şəxsin neftçi olduğu müəyyənləşib
    17:39 “DQR”-in sabiq “müdafiə naziri” Samvel Babayan saxlanıldı
    17:15 Mosulda bəşəri faciə baş verə bilər
    17:00 Ukrayna, rus müğənnisini “Eurovision”a buraxmayacaq
    16:45 AZAL - tam sürətlə müflisləşməyə doğru
    16:30 Türkiyə və Rusiya Dağlıq Qarabağ münaqişəsi üzərində birgə işləyir
    16:15 Qənirə Paşayeva Tovuzun ön cəbhədə ailələri ziyarət edib
    16:00 Kompüterlərə uçuş qadağası İŞİD təhlükəsinə görə tətbiq edilib
    15:45 Sabah Bakıda yağış yağacaq
    15:30 Almaniya millisinin futbolçularından qəfil dopinq-test götürülüb
    15:15 İlqar Məmmədovun səhhəti pisləşib
    15:00 BBC "Brexit"ə qərəzli yanaşdığına görə cərimə oluna bilər
    14:45 Serj Sarkisyan, Ter-Petrosyanla bağlı qərarını verdi
    14:30 Maqsud İbrahimbəyovu anım mərasimi keçirilib
    14:15 DYP taksi fəaliyyəti ilə məşğul olanlara müraciət edib
    14:00 Sevgi romanı həvəskarları üçün yeni kitab
    13:45 Qanazlığından əziyyət çəkirsinizsə...
    13:30 Almaniya, Türkiyəyə silah satışını məhdudlaşdırdı
    13:15 İsrail: Suriyaya hücum barədə Putinə bildirmişdik
    13:00 Özümü "Real"da görmürəm
    12:45 Bayram günlərində təcili yardıma daxil olan müraciətlərin sayı
    12:30 Bu il Azərbaycan dili" imtahanında 59 abituriyent imtahansız keçəcək
    12:15 "Yəqin, əllərində qalan köhnə bir nişanı veriblər"
    12:00 Dünya birjalarında neft ucuzlaşır
    11:45 Şimali Koreya raket buraxılışı həyata keçirdi
    11:35 Twitter yüzminlərlə hesabı dondurdu
    11:30 Rusiya türk malının idxalına qoyulan qadağanı götürməyəcək
    11:15 Ermənistan silahlı qüvvələri atəşkəsi 143 dəfə pozub
    11:00 Vaşinqtonda İŞİD-ə qarşı beynəlxalq koalisiyasının toplantısı oldu
    10:45 Azərbaycan-Almaniya matçının hakimləri məlum olub
    07
    11:15:31
    İyun
    1146 nəfər oxuyub

    Yaradıcı Esmira Məhiqızı

    Şairə Esmira Məhiqızı Ağdamda doğulub. Bir kitabı var. Şeir yazmağı sevir. Ən çox da xatirələri... 

    ***

    hansı yana üz tutsam...
    üzümə çırpılır mənsizlik.
    bir umud...
    bir umud varıydı
    şəftəli çiçəyi rəngində.
    o ağacın altında umudlanmışdım yaza.

    amma yazın içindəydim,
    amma başqa yaz gözləyirdim,
    şəftəli çiçəyinin rəngindən.

    mən varıydım deyəsən...
    gözlərimi günəş qamaşdırırdı,
    dodaqlarımı gülüş,
    əllərim hər şeydən çox xoşbəxt idi-
    əllərimdə hörüklərim.

    saçlarımı nənəm hörərdi,
    donumu anam tikərdi,
    boyumu atam çəkərdi artımamızın dirəyinə.

    buğda-buğda böyüyürdüm günəşlikdə...
    bir Qızlar bulağı varıydı,
    sərçələr də ordan su içirdi,
    keçilər də,
    keçi qızlar da,
    sərçə qızlar da.

    mən varıydım deyəsən...
    babamın ağ atı varıydı deyə,
    ağatlı gözləmirdim heç.

    mən bir umudu sevirdim ən çox...
    deyirdim, heç kim ölməsin.

    ən birinci babamın ağ atı öldü...
    sonra davalarda ağatlı oğlanlar...
    sonra hamı öldü,
    sonra torpaqlar.

    sonra da umudlar...
    hayana üz tutsam...
    mənsizlik şəftəli çiçəyinin çürüyən rəngi.
    və umudlarım  bənövşəyi.

    ***

    gecə saat ikidən yazıram bu məktubu...
    gecə saat ikinin şəhərindən,
    gecə saat ikinin evindən.

    nimdaş xəyalların gözətçisi kimi...
    barmaqlarım həriflərin solğun şəklini çəkir varaqlara.
    bir şeir buxarlanır içimdən...
    ya bu şeiri də yazımmı məktuba...?

    sonra gülməyim tutur fikirləşdiklərimə...
    ay dəli, deyirəm
    gecə saat ikinin məktubunu
    elə şeirlə yazırsan.

    həyat daha başqa şeylər pıçıldıyır qulağıma,
    mənzərələr qaranlıq dəyir gözümə,
    havalarda şər qarışır ayrılıqlar kimi.

    hər yan gecə saat iki kimi...
    dəli Tərişin qoluna çəkmişdik saatı göy qələmlə.
    əqrəblər ikinin üstəydi elə.

    bütün saatlarda saat ikiydi...
    uşaqlığımızda dəli Tərişin saatı
    günorta ikini göstərirdi həmişə.

    sonra biz böyüdük...
    sonra saatlar da geri çəkildi,
    saatlar gündüzdən gecəyə,
    umudlar heç nəyə çəkildi.

    gecə saat ikidən yazıram bu məktubu...
    bütün dəlilərə yazıram,
    Tərişə, Minişə...
    və saatı ikidən o yana keçməyən keçmişə...

    uşaqlıqdan sonra…
    deyirəm ki, gecə saat ikinin şəhərində...
    gündüz saat  iki elə  gecə saat ikidi. 

    ***

    yox axı... o qızın qaçmağa göyü,
    o qızın uçmağa yeri varıydı.
    cıqqılı könlündə hamıdan gizli,
    biri varıydı eyyy, biri varıydı.
    sərçə balasıydı, quş balasıydı
    hələ təzə-təzə civildəyirdi.
    günü çiçək-çiçək gül topasıydı,
    sevmirəm gələndə, sevir deyirdi.
    yox axı... o qızın özündən böyük,
    arzusu gözündə aşıb, daşırdı.
    yanında getməyə o kəndçi sütül,
    o kəndçi sütülə bu yaraşırdı.
    xəyallar eləcə xəyal oldular,
    arzular o qızın gözündə qaldı.
    bir qızın qolundan tutdu o oğlan,
    bu qızın əlləri üzündə qaldı.
    bir kəlmə susadı dodaqlarında,
    istədi söyləsin, deyə bilmədi.
    ağladı toy səsi qulaqlarında,
    güldü dəli-dəli niyə, bilmədi.
    yox axı, o qızın o gündən sonra,
    uçmağa, qaçmağa yeri yoxuydu.
    cıqqılı könlündə biri varıydı-
    biri yoxuydu eyyyy, biri yoxuydu!

    ***

    bir qutu dərman kimi
    atıram günləri...
    bir gün analgin,
    bir gün aspirin,
    bir gün valokardin...
    bir gün də ölüm.
    hər gün... ölüm atıram yaşamağa...


    ***

    yaşadıqlarımı unutmaq üçündü...bu şəhər də,
    bu ögey küçələr,
    bu yad üzlər,
    bu soyuq adamlar da.
    it yiyəsini tanımadığı bir vaxtda,
    it kimi darıxmaqlar dolur canıma.
    ən çox...özümnən ötrü darıxıram.
    balaca əllərimnən,
    yüyrək ayaqlarımnan,
    dupduru gözlərimnən ötrü
    başımı divarlara vururam.
    nə əllərim o əl deyil,
    nə saçlarım o saçlar.
    hər gün məni dilim-dilim 
    bir ayrılıq qucaxlar.
    yaşadıqlarımı unutmaq üçündü...bu şeir də,
    yazıb başımı qatıram həriflərlə.
    sonra həriflər söz olur,
    sonra sözlər ağrı olur.
    hara qaçıram üstümə yüyürür
    topal misralar.
    və şikəst şairliyimin
    dizlərində göynəyir
    yazmadığım çox şeylər.
    iki duzlu göl gəzdirirəm
    gözlərimin yerində,
    iki qırılmış budaq kimidi qollarım....
    və mən küləyin şəhərə yıxdığı
    gilənar ağacıyam.
    yaşadıqlarımı unutmaq üşündü...yaşamadıqlarım,
    daha yaşaya bilmirəm yaşadıqlarımı,
    heç yaşamadıqlarımı da yaşaya bilmirəm.
    sadəcə...qaraltım qalıb ayaqlarımın altında.
    sadəcə...kölgəm qalıb,
    kölgəm də qaranlıq düşən kimi qaranlığı çoxaldır.
    hələ də mən dəli 
    elə bilirəm ki, qaranlıq hamının kölgəsidi.

    ****

    elə bir gün gələ, lap güllə kimi,
    güllə ələməyə ələyin ola.
    yığasan ömründən boş gilizləri,
    gün-gün doldurmağa gərəyin ola.
    gözünə oturan qış da eymənə,
    telində dən gəzən quş da eymənə,
    qəpiyə atdığın güllələr dönə-
    güllə keçirməyən çörəyin ola.
    mən də bir itiyəm, ay İsax-Musax,
    kim itik tapır ki, çilələr susa,
    bir güllə sıxasan, güllələr susa-
    güllə saxlamağa ürəyin ola.

    ***

    gözləmədiyin gündə...
    unamadığın anda
    bir əski xatirə toxunar ürəyinə...

    bir qom xatirə dolar gözlərinə...
    bir də görərsən...üzün yoxdu,
    üzünün kölgəsində axır yaşlar...

    yaa...yaşlar da deyil heçç,
    yaşların kölgəsidi.

    və ...əllərinin kölgəsi
    silir yaşlarının kölgəsini.
    barmaqlarının kölgəsi islanır....

    bir də görərsən ki,
    kölgəsinin üstünə yıxılıb ağac.
    yarpaqları kölgəsinə sarılıb,
    budaqları kölgəsini qucub.

    və kölgəsinə qovuşmağın
    kədər olduğunu bircə ağac bilir...
    yarpaqların nə vecinə,
    budaqların nə vecinə....

    gözləmədiyin bir gündə...
    kölgən dostların çiyninə düşəndə...

    bir də görərsən ki...
    tabutun o ağacdandır-
    kölgəsinin üstünə yıxılan ağacdan.

    və sən qayıdıb tabutuna  deyərsən ki,
    -heç bilmirdim,  kölgələrin belə ağır olduğunu.

    ***

    ən gözəl ümidlər öldü beləcə,
    bir qızın titrəyən əlləri üstə.
    gecə dalğalandı, bitmədi gecə,
    bir qızın dalğalı telləri üstə.

    o vaxtdan gecədi... göyü ulduzsuz,
    ayı da doğmur ki, aydınlıq ola.
    ah, bir qız ağlıyır, dilində bir söz:
    -nə qədər, nə qədər qaranlıq olar...

    daha günəş doğmaz gecələrində,
    bir qız gecələrdə saçlar ağardar.
    bir ömrün cavabsız necələrində,
    bir ömür tükədib, günlər qaraldar.
    ən gözəl gününü yellərə verib,
    gözəl baxışını güzgülər udub.
    bu qızı içindən çatlar əridib,
    bu qızı üzündən çizgilər udub.
    bir ömür çatında...çatlara dönüb,
    sabahı çatlıyıb, yolu çatlıyıb.
    İlahi, bu boyda çatlamaq olmaz,
    bu qızın qoynunda qolu çatlıyıb.
    daha çat yolların ağzı uçurum,
    o solu bu sağa calamaq olmur.
    havadan adamı ayrılıq vurur,
    çatlaq havalarda oynamaq olmur.
    ən gözəl ümidlər...ümid deyil ki,
    bir qızın qırılmış xəyallarıdı.
    sevgi məktubundan gəmi düzəldir...
    onsuz da bu yollar su yollarıdı.
    daha su yoludu...sevdanın yolu,
    yolları sulara gömür beləcə.
    ən gizli sevgilər...ürəkdə solur,
    ən gözəl ümidlər ölür beləcə.


    üstəlik də bu boydana soyuqluq,
    bu boydana soyuqlarda üşümək.
    hələ belə üşüməyə darıxmaq,
    hələ belə darıxmağa üşənmək.
    hələ bir də soyuqluğun içində,
    sevmədiyin baxışlara dözürsən.
    ən şiddətli küləkləri ötürüb,
    ən şıdırğı yağışlara dözürsən.
    gözlərinin yol çəkdiyi yerlərə,
    axşam-sabah gözyaşların döşənir.
    adam belə tıncıxmaqdan bezir də,
    adam belə yaşamaqdan üşənir.
    üstəlik də, anlayan yox halından,
    düşüncəni-fikirini yorursan.
    gedib-gedib ilğımlarda batırsan,
    gəlib-gəlib ayrılıqda durursan.
    üşənirsən bu axının buzunda,
    ömür keçir, sırsıralar keçmir heç.
    baxırsan ki, hamı köçür dünyadan,
    baxırsan ki, xatirələr köçmür heç.
    üstəlik də, qəfil gələn ağrılar,
    bu duz adlı, şəkər adlı xəstəlik.
    üşənirsən, üşüyürsən o ki, var,
    daha nələr...daha nələr üstəlik.