Xəbər lenti

  • 2017-03-23
  • 10:00 İran neftinin ilk partiyası bu həftə Belarusa çatdırılacaq
    09:45 Kılıçdaroğlu Londondakı terror aktına münasibət bildirdi
    09:30 Azərbaycan məhsullarının Rusiyaya keçirilməsində problemlər yaranıb
    09:15 Ermənistan Milli Təhlükəsizlik Xidməti Samvel Babayanın həbsini təsdiqləyib
    09:00 Prezident Ərdoğan Tereza Meyə başsağlığı verdi
    03:04 Sevinc Fədai:“Mövlud həmin gün o binanın başına iki dəfə çıxıb...”
  • 2017-03-22
  • 23:50 Silahlı, Londondakı terror hücumunu tək törədib
    23:30 Suriya və İraqda İŞİD-in 180-dən çox lideri öldürülüb
    23:11 Boşanmaların 20-30 faizinin səbəbi: Sosial şəbəkələr
    22:50 "WhatsApp"da 4 yeni funksiya
    22:30 Azərbaycana qarşı amansız olacağıq
    22:10 Bu simptom təhlükəli xəstəlikdən xəbər verə bilər
    21:50 Koalisiya qüvvələri Suriyaya hücumlarını artırıb
    21:30 Londonda törədilən terror nəticəsində qadın ölüb
    21:10 “Naftogaz Ukraine” şirkəti müflis ola bilər
    20:50 Kürdlərə görə Türkiyə ilə dialoqu davam etdiririk
    20:36 Disney "Zveropolis" filmində plagiat edib?
    20:15 İlham Əliyev Pakistan prezidentini təbrik edib
    20:00 Prezidentin oğlu parlament komitəsinin sədri oldu
    19:45 Almaniyada doğulmuş şəxslərin ilk deportasiyası
    19:30 Britaniya parlamentində silahdan atəş açılıb
    19:15 Reks Tillerson tənqidlərlə qarşılaşıb
    19:00 Avropa ölkələri insan hüquqlarına hörmət etməlidir
    18:45 Azərbaycanın dövlət sərhəddini pozan şəxs saxlanılıb
    18:30 Çin Şimali Koreyaya qarşı yeni sanksiyaları dəstəkləmir
    18:15 Danimarkada hicablı işsizlərə müavinət verilməyəcək
    18:00 Xəzərdə meyiti tapılan şəxsin neftçi olduğu müəyyənləşib
    17:39 “DQR”-in sabiq “müdafiə naziri” Samvel Babayan saxlanıldı
    17:15 Mosulda bəşəri faciə baş verə bilər
    17:00 Ukrayna, rus müğənnisini “Eurovision”a buraxmayacaq
    16:45 AZAL - tam sürətlə müflisləşməyə doğru
    16:30 Türkiyə və Rusiya Dağlıq Qarabağ münaqişəsi üzərində birgə işləyir
    16:15 Qənirə Paşayeva Tovuzun ön cəbhədə ailələri ziyarət edib
    16:00 Kompüterlərə uçuş qadağası İŞİD təhlükəsinə görə tətbiq edilib
    15:45 Sabah Bakıda yağış yağacaq
    15:30 Almaniya millisinin futbolçularından qəfil dopinq-test götürülüb
    15:15 İlqar Məmmədovun səhhəti pisləşib
    15:00 BBC "Brexit"ə qərəzli yanaşdığına görə cərimə oluna bilər
    14:45 Serj Sarkisyan, Ter-Petrosyanla bağlı qərarını verdi
    14:30 Maqsud İbrahimbəyovu anım mərasimi keçirilib
    14:15 DYP taksi fəaliyyəti ilə məşğul olanlara müraciət edib
    14:00 Sevgi romanı həvəskarları üçün yeni kitab
    13:45 Qanazlığından əziyyət çəkirsinizsə...
    13:30 Almaniya, Türkiyəyə silah satışını məhdudlaşdırdı
    13:15 İsrail: Suriyaya hücum barədə Putinə bildirmişdik
    13:00 Özümü "Real"da görmürəm
    12:45 Bayram günlərində təcili yardıma daxil olan müraciətlərin sayı
    12:30 Bu il Azərbaycan dili" imtahanında 59 abituriyent imtahansız keçəcək
    12:15 "Yəqin, əllərində qalan köhnə bir nişanı veriblər"
    12:00 Dünya birjalarında neft ucuzlaşır
    11:45 Şimali Koreya raket buraxılışı həyata keçirdi
    11:35 Twitter yüzminlərlə hesabı dondurdu
    11:30 Rusiya türk malının idxalına qoyulan qadağanı götürməyəcək
    11:15 Ermənistan silahlı qüvvələri atəşkəsi 143 dəfə pozub
    11:00 Vaşinqtonda İŞİD-ə qarşı beynəlxalq koalisiyasının toplantısı oldu
    10:45 Azərbaycan-Almaniya matçının hakimləri məlum olub
    03
    11:24:57
    May
    1579 nəfər oxuyub

    “Yaradıcı” Raqif Raufoğlu

    “Yaradıcı” rubrikasının bu dəfəki qonağı Raqif Raufoğlu 1984-cü ildə Bakıda anadan olub. İxtisasca iqtisadçıdır, amma heç vaxt o sahədə işləməyib. Müxtəlif işlərdə çalışıb, zaman-zaman dostları ilə birlikdə jurnallar da çap etdirib. 2009-cu ildən 106.3 FM-də çalışır. 

    İlk şeirini 10-cu sinifdə oxuyanda, bir çoxları kimi mütaliədən həvəslənərək yazıb. Universitetdə oxuyarkən ədəbiyyata daha ciddi yanaşmağa başlayıb. Ayrı-ayrı qəzetlərdə, almanaxlarda çap olunandan sonra 2003-cü ildə ilk dəfə öz şeirlər kitabını çıxardıb, lakin sonra kitabı gizlədib. Bir müddət ancaq yazmaqla məşğul olub. 2009-cu ildə özünü tərcüməçi kimi sınayıb, Obamanın "Dreams from my father" kitabını Azərbaycan dilinə tərcümə edib. Facebookda dostları ilə birlikdə virtual dərnək – “Ölü yazarlar dərnəyi” yaradıb, üç müəllifin birgə yazılarını elə həmin adla ayrıca kitab kimi çap etdiriblər. 2014-cü ildə "Qadağan olunmuş kitab" adlı nəsr əsərini çap etdirib, ardınca “Çirkinlik” adlı şeirlər kitabı işıq üzü görüb. 

     

    Adam

    Sən düz eləyirsən,
    Başqa cür də olmaz.
    Adam unutmadığından danışmaz.
    Susar.
    Həmişə unutduğundan danışar
    Yorulmaz.
    Adam sükutdan utanmaz
    Qışqırar.
    Amma səs-küydən utanar.
    Danışmaz.
    Adam anladığı şeylərlə oynamaz.
    Ağlayar
    Vallah elə-belə olar.
    Adam güldüyü şeylərə uduzar.
    Deməz.
    Heç vaxt aldada bilmədiyini sevməz.
    Qorxar.
    Adam aldada bildiyinə vurular.
    Bilməz.
    Bilsə də heç nə dəyişməz.
    Çırpınar, çırpınar,
    Yenə də oxşamaq istəmədiyinə oxşayar
    Öyrəşər,
    Adam bax belə adiləşər.
    Vecinə almaz,
    Düşünər ki, bir dəfə ilə heç nə olmaz.
    Olar,
    Adamı həmin olmazlar yandırar.
    Səsi də çıxmaz.
    Güzgüyə baxar-baxmaz,
    Özündən qaçar.
    Hamıya, hər yerə sığınar.
    Axırda kimisə tapar.
    Yeni qorxular başlayar tapar-tapmaz,
    Adam adamı tapdığı yerə qoymaz.
    Özünü yeyib-bitirər,
    Adam adamı çox vaxt tapdığı yerdə itirər.

     

    Düz darıxmırsan
     

    Düz darıxmırsan, tək adam! 
    Şairlər səni aldadıblar. 
    Nə ağaclar, nə pıçıltı, nə quşlar? 
    Əslində özü üçün yağışlar.

    Düz darıxmırsan tək adam. 
    Şairlər səni aldadıblar. 
    Nə xəzri, nə gilavar?
    Nə cinlər, nə mələklər?
    Əslində kor olur küləklər.

    Düz darıxmırsan tək adam. 
    Şairlər səni aldadıblar. 
    Nə sevgi, nə xəyanət, nə ədalət? 
    Əslində lal olur həqiqət.

    Düz darıxmırsan tək adam. 
    Şairlər səni aldadıblar. 
    Nə darıxmaq, nə duyğular, nə hisslər?
    Öz həyatını yaşayır doğmalar, əzizlər.

    Düz darıxmırsan, tək adam! 
    Şairlər səni aldadıblar. 
    Nə kitablar, nə dəftərlər-kağızlar? 
    Əslində pul üçün yazılır yazılar.

    Düz darıxmırsan tək adam, 
    Şairlər səni aldadıblar. 
    Indi tut əlimdən, ayağa qalx. 
    Gəl bərabər darıxaq. 
    Belə yaşayır da bu şəhərə gələnlər.
    Şəhər adamların çoxluğundan 
    Adamlarsa tənhalıqdan yanır. 
    Ona görə şairlərə inanır, 
    Sevgi qəzasında doğulub
    Avtomobil qəzasında ölənlər.

     

    4 MÜRACİƏT!
     

    Bu məktubdan sənə də gələcək bir gün
    Əlinin qələm, dilinin söz tutmadığı vaxtında
    Oturub əmrlər verərkən taxtında
    Yazacaq sənə balaca üsyankar:
    “Dur! Dur rədd ol qoca kaftar!
    Lazım deyil mənə böyüklüyün, adın
    Mənə gəncliyimi yaşatmadın...

    Bu günlərdən sənə də gələcək bir gün,
    Sübut etməyə çalışacaqsan dahi keçmişini.
    Danışacaqsan hamının səni tanımasından
    Bir dediyinin iki olmamasından
    Hətta danışmağından, gülməyindən
    Sevməyindən, sevilməyindən.
    Guya belə olub əslində.
    Az qala
    “Vallah mən var idim” şəklində...

    Bu sükutdan sənə də gələcək bir gün
    Bütün dediklərin susduracaq səni.
    Müdrik-müdrik baxıb güləcəksən.
    Əsl müdrikliyin gələcəkdədir.
    Bircə cümlə söz yazıb öləcəksən:
    Yaşamağın sirri nəyisə deməkdə yox,
    Deməməkdədir.

    Bu suallardan mənə də gələcək bir gün.
    Hara getdin, niyə getdin, ay iddialı adam?
    Gözlərimi döyüb baxacam.
    Çatılacaq qaşlarım.
    Yəqin ki, belə cavab verəcəm:
    Sizi deyib getmişəm
    Ey mənim müsəlman bacı-qardaşlarım...

     

    Əgər sən çıxıb getməsən…
     

    Əgər mən çıxıb getməsəm,
    Sənin darıxmağa heç kimin olmayacaq bir də.
    Get-gedə getmək də istəməyəcəksən,
    Getmək istədiyin şəhərdən.
    Səni gözləyən də olmayacaq
    Getmək istədiyin şəhərdə… 
    Əgər sən çıxıb getməsən
    Bu yorğun adamların arasından bir gün.
    Getmək istədiyin şəhərə oxşayacaqsan
    Hər gün.
    Axırına çıxacaq bax bu məqamlar:
    Ömrün boyu barmaqla göstərib
    “Getmək istəyən adam” çağıracaqlar səni.
    Əllərindən çıxıb getmək istədiyin adamlar... 
    Əgər sən çıxıb getməsən
    Bu adamların sonuna.
    Hər gün zəng gələcək telefonuna:
    - Gəl, gəl borcunu ödə.
    - Borcu? Mən?
    - Yox dədən. Əlbəttə sən.
    Ata borcu! Ana borcu! Vətən borcu!
    Və adına yazılan hər gələn borcu!..
    Əgər sən çıxıb getməsən
    İndi özündən
    Həmişə axtaracaqsan özünü
    Soruşacaqsan hərdən
    Səni axtarmayan adamlardan.
    Bütün getməyənlər özünü axtaracaq səndə
    Qalmaq abidəsi qoyulacaq qaldığın yerdə.
    Beləliklə, sən
    Mənim kimi heç vaxt
    Getmək istədiyim şəhərdən çıxıb
    Getmək istədiyin şəhərə gedə bilməyəcəksən..

     

    Sabah da dekabrdı

    Sabah da dekabrdır,
    Xəbərlər qar dedilər.
    Vəziyyət çox ağırdır,
    Külək də var dedilər.

    Yenə bu zibil otaq,
    Pərdə düşüb yarıya.
    Kimin ilə danışaq?
    Nəsə olub hamıya.

    Çöl-bayıra çıxmağa,
    Uşaqlar da qalmayıb.
    Pəncərədən baxmağa,
    Uzaqlar da qalmayıb.

    Bu xaraba şəhərdə,
    Hamı belə dolanır.
    Bir yarımçıq pərdə də,
    O yandan aralanır.

    Adam səhərlər gülür,
    Axşamlar havalanır.
    Hər gün bir nəfər ölür,
    Bir nəfər yaralanır.


    Tiflisdə
    Ən gözəl yağışlar Tiflisə yağır,
    Ən böyük ümidlər Bakıda ölür.
    Tanrı bu şəhərə şimaldan baxır,
    Bu şəhər Tanrını qiblədə görür.

    Ən dərin yuxular Təbrizdə yatır,
    Bütün yuxuları Moskva yozur.
    Böyüdür, kiçildir, dartır, uzadır.
    İstanbul gözləyə-gözləyə susur.

    Ən gizli xəbərlər Parisdən gəlir
    Açılır, açılır, Qarabağ olur.
    Içəridən çıxan üç kişi gülür,
    Bir boz, bir sarışın, bir də ağ olur.

    Qafqaz bir qəribə sevgini bölür.
    Adam əsəbləşir, uzaqdan baxır,
    Ən böyük ümidlər Bakıda ölür.
    Ən gözəl yağışlar Tiflisə yağır.

    ***
    Dünyanı satdılar yaxşı adamlar,
    Cəzasız saxlayıb pis adamları.
    İndi də ağzına su alıb mumlar,
    Yaxşı adamların öz adamları.
    Dünyanı satdılar yaxşı adamlar,
    Bizə pislikləri öyrətmədilər.
    Baxdılar narazı gözlərimizə,
    Bir cümlə sözü də söylətmədilər
    Dünyanı satdılar yaxşı adamlar
    Əlləri aşağı vaxtına düşdü
    Yaxşılar pislərin tilovlarına
    Pislər yaxşıların bəxtina düşüdü
    Dünyanı satdılar yaxşı adamlar,
    Gəldilər, baxdılar, susub getdilər.
    Nə bilirdilərsə tez unutdular,
    Nə bilmirdilərsə yazıb getdilər.
    Və biz formalaşdıq - yazıq, avamlar,
    Onlarsa yaxşıya qarşı oldular
    Dünyanı satdılar yaxşı adamlar,
    Satdılar və sonra yaxşı oldular.


    “Sənin sağlığına içirəm, Vətən!”