Xəbər haqqında
06 Sentyabr 2017 - Çərşənbə 14:32 363 nəfər oxuyub
 
Azərbaycan KİV-ləri Qərbin Rusiya haqda bu cür materiallarını dərc eləmir, Rusiya isə...
BAXIŞ Xəbəri
Azərbaycan KİV-ləri Qərbin Rusiya haqda bu cür materiallarını dərc eləmir, Rusiya isə...

Azərbaycan hökumətinin yürütdüyü siyasət tez-tez qərb siyasətçiləri, hüquq müdafiəçiləri və KİV-in tənqidinə məruz qalır. Siyasət həddindən artıq ambivalentdir – bir tərəfdən, Qərb, Avropanın enerji təhlükəsizliyinin təmini istiqamətində Azərbaycanın fəaliyyətini dəstəkləyir, digər tərəfdən, Bakını korrupsiya və digər ciddi cinayətlərdə günahlandırır.

 

Xeber365.com bildirir ki, bu barədə "Vestikavkaza.ru" saytında yayımlanan məqalədə yazılıb.

 

Məqalədə deyilir ki, Azərbaycan hökuməti xaricdən yardım alan vətəndaş institutlarının fəaliyyətinə hər zaman skeptik yanaşıb.

 

Bir neçə il əvvəl rəsmi Bakı QHT-ləri dəstəkləyən və “dövlət əleyhinə fəaliyyətlə məşğul olan” donorların arasında Soros Fondunun xüsusi aktivliyi ilə seçildiyini və Azərbaycanda QHT sahəsinə 625 razılaşma əsasında 7,6 milyon manat ayırdığını bəyan etmişdi.

 

 

Soros Fondu, nəhayət ki, rəsmi Bakının bu bəyanatına cavab verib. Bu il sentyabrın 4-5-də Korrusiya və Mütəşəkkil Cinayətkarlığın araşdırılması mərkəzi, BBC News və “Guardian”da  “Azərbaycanın 3 milyard dollar həcmində çirkli fondu idarə etdiyi” barədə məqalə dərc olunub.

 

 

Azərbaycan prezidentinin mətbuat xidmətinin məqalədə yazılan ittihamlara cavab olaraq verdiyi açıqlamaya görə, nə Azərbycan prezidenti, nə də onun ailə üzvlərinin sadalanan ittihamlarla heç bir əlaqəsi yoxdur,  prezident və onun ailəsini bu məsələyə cəlb etmək cəhdləri tamamilə əsassız və qərəzlidir, həmçinin təxribat xarakteri daşıyır.

 

“Bu işlərin arxasında Corc Soros və onun beynəlxalq arenada fırıldaqçı, avantürist imici qazanmış əlaltılarının dayandığını bilirik. Bu gün Sorosun çirkli əməlləri ciddi araşdırılmalıdır.  Onlar erməni lobbisi ilə əlbir olaraq Azərbaycan prezidenti və onun ailəsinə qarşı iyrənc kampaniya aparırlar. Lakin heç nəyə baxmayaraq, onların səyləri boşa çıxıb. “Guardian” qəzetində nəşr olunan məqalənin müəlliflərindən birinin erməni mənşəli Dina Naqapetyanın olması bu məsələnin dünya ermənilərinin iyrənc əməli olduğunu bir daha vurğulayır”, - açıqlamada deyilir.

 

 

Xatırladaq ki, bir neçə il əvvəl Rusiya Baş Prokurorluğu da amerikalı sərmayədar Corc Soros tərəfindən təsis edilmiş  “Açıq Cəmiyyət” və “Əməkdaşlıq” fondlarını “arzuolunmaz təşkilatlar” elan etmişdi.

Rusiya hökumətinin fikrincə, bu fondların fəaliyyəti ölkənin konstitusion düzəninə təhlükə yaradırdı.

 

"Maraqlısı odur ki, rus KİV-ləri öz strateji müttəfiqlərini dəstəkləmək əvəzinə, nəinki “Guardian”, BBC-nin məqalələrini dərc edirlər, həm də bu zaman ekspert rəylərindən yararlanaraq yazılanları təsdiqləyirlər.

 

Halbuki, Qərb mətbuatında Rusiya hökuməti haqqında belə materiallar çıxanda Azərbaycan KİV-ləri onları tirajlamır. Qərb, Azərbaycan rəhbərliyini nə qədər öz tərəfinə çəkməyə çalışsa da, prezident İlham Əliyev hər zaman Moskva ilə dostluq prinsiplərinə sadiq qalıb", - məqalədə deyilir.

Mənbə: Müəllif:
Azərbaycan, KİV-ləri, Qərbin, Rusiya, haqda, bu, cür, materiallarını, dərc, eləmir,, Rusiya, isə...,
Xəbərin videosu
Şərhlər
Haber Yazılımı