Məntiqli nəticədir ki, SOCAR bu gün xaricdə nümayəndəliklərini bağlayır

“Nə o, nə də mən reytinq xatirinə şpaqat açan jurnalistlərdən deyilik”

Xəbər haqqında

26 May 2016 - Cümə axşamı 00:35

902 nəfər oxuyub

Məntiqli nəticədir ki, SOCAR bu gün xaricdə nümayəndəliklərini bağlayır

Dövlət Neft Şirkətinin müxtəlif ölkələrdə ofislərinin bağlanması 2015-ci ilin dekabrın ayının qərarıdır. Bu məsələ mediada yenidən gündəmə gəlirsə, o demək deyil ki, şirkət həmin ofisi bu gün bağlayır. Bu, SOCAR-ın 2016-cı ilin büdcə xərclərini optimallaşdırması, yəni azaltması ilə əlaqədar idi. Şirkətin bir neçə ölkədə, həm Qərbdə, həm də Şərqdə nümayəndəliklərini açması onun biznes fəaliyyəti ilə əlaqədar idi.

MÜSAHİBƏ Xəbəri

SOCAR-ın Cenevrədəki ofisinin fəaliyyətini dayandırdığı barədə məlumat yayılıb. Azərbaycanın İsveçrədəki səfiri Əkrəm Zeynallı bildirib ki, dünya bazarında neftin üç dəfəyədək ucuzlaşmasından sonra SOCAR xərclərinin optimallaşdırılmasını və bəzi struktur bölmələrinin restrukturizasiyasını nəzərdən keçirib. Beləliklə, SOCAR xarici ölkələrdəki nümayəndəliklərinin fəaliyyətinə də yenidən baxılmalı olub.

Bundan əvvəl isə "SOCAR Turkey Energy" "Petkim" layihəsindəki payının da bir hissəsini satmışdı.
Bəs SOCAR-ın regiondan kənar ökələrdə ofislərinin qurulması hansı zərurətdən yaranır və onların fəaliyyəti nədən ibarətdir?

"Nümayəndəliklərin olması ölkənin üzünü ağ edən məqam idi"

İqtisadçı-alim Fuad İbrahimovun sözlərinə görə, ümumilikdə Azərbaycana aid hər hansı bir şirkətin xaricdə nümayəndəliyinin olması və investisiya yatırımı ölkənin ən azından investor ölkələr siyahısına daxil olması deməkdir: "Bu, Azərbaycanın xarici iqtisadiyyatında üzünü ağ edən vacib bir məqamdır. Ancaq hazırda ölkəmizdə makro-iqtisadi tarazlıq pozulub və buna görə ilk növbədə, bizim iqtisadiyyatın flaqmanı hesab olunan SOCAR-a da öz təsirini göstərib. Fikrimcə, nümayəndəliklərin bağlanması, məhz, bununla bağlıdır. Ancaq Azərbaycan nümayəndəliyinin xaricdə biznes fəaliyyətinin olması müsbət haldır. Görünür, iqtisadiyyatın müəyyən sahələrini düzgün qiymətləndirmədiyimiz üçün bu kimi problemlərlə üzləşirik. Məntiqi nəticədir ki, SOCAR bu gün xaricdə nümayəndəliklərini bağlayır.
Şirkətin xaricdəki ofisləri, ilk növbədə, öz sahəsi ilə bağlı spesifik işlər görür. Ən azından, həmin ölkədə yanacaqdoldurma fəaliyyətini tənzimləyir, neft məhsullarının topdan və pərakəndə satışını həyata keçirir, neftsaxlama anbarları təşkil edir. Eyni zamanda, dünya əmtəə birjalarında SOCAR iştirakçı kimi çıxış edir. Şərt o deyil ki, SOCAR xaricdə Azərbaycanın neftini sata bilər. Şirkət bu gün dünya əmtəə birjalarında çıxış etməklə digər ölkələrin neftini əldə edərək neft məhsullarını həmin ölkələrdə satışa çıxara, yaxud öz ticarət obyektlərində dövriyyəyə cəlb edə bilər".

Xaricdəki ofislər SOCAR-ın biznes işlərini həyata keçirir"

Neft Araşdırmaları Mərkəzinin rəhbəri, iqtisadçı İlham Şaban isə xaricdə ofislərin qurulmasını şirkətin biznes fəaliyyəti ilə əlaqələndirir: "Dövlət Neft Şirkətinin müxtəlif ölkələrdə ofislərinin bağlanması 2015-ci ilin dekabrın ayının qərarıdır. Bu məsələ mediada yenidən gündəmə gəlirsə, o demək deyil ki, şirkət həmin ofisi bu gün bağlayır. Bu, SOCAR-ın 2016-cı ilin büdcə xərclərini optimallaşdırması, yəni azaltması ilə əlaqədar idi. Şirkətin bir neçə ölkədə, həm Qərbdə, həm də Şərqdə nümayəndəliklərini açması onun biznes fəaliyyəti ilə əlaqədar idi. Məsələn, Belçikada, Qazaxıstanda, İranda, Almaniyada belə nümayəndəlikləri var idi. SOCAR hesab edirdi ki, bu ofislərin olması onun biznes fəaliyyəti üçün dəstəkdir. İndi isə nümayəndəliklərini bağlayıb, onların funksiyalarını törəmə şirkətlərinə verir. Yaxud həmin ofislərin yerinə yetirdiyi işlər Bakıdan həyata keçirilir. Yəni şirkət artıq həmin ölkədə adam saxlamağa ehtiyac duymur.
Həmin ofislər şirkət üçün bu və ya digər şəkildə faydalı idi. SOCAR-ın Rumıniyada nümayəndəliyinin fəaliyyəti geniş idi, ofis ordakı biznes üçün cavabdehlik daşıyırdı. Belçikada ofisin olması ona görə vacib idi ki, Avropa Birliyi var idi. Avropa Birliyinə o fəaliyyətlərini çatdırmaq üçün nümayəndəliyin olması vacib idi. Cənub Qaz Dəhlizi layihəsi artıq həyata keçirilir, orda xüsusi fəaliyyətə o qədər də ehtiyac yoxdur. Lazımi işləri Bakıdan da idarə etmək olar. Ancaq məsələn, SOCAR hesab edir ki, Tehrandakı ofisinə ehtiyac var və onu saxlayır".
Qeyd edək ki, xərclərin optimallaşdırılması məsələsi 3 ildən çoxdur ki, SOCAR-ın gündəmində dayanır.

Moved Permanently