Xəbər haqqında
12 Yanvar 2018 - Cümə 19:27 91 nəfər oxuyub
 
Polşa prezidenti Avropa İttifaqını ittiham etdi
DÜNYA Xəbəri
Polşa prezidenti Avropa İttifaqını ittiham etdi

Polşa prezidenti Andjey Duda Avropa İttifaqının qurumlarını üzv ölkələrin ehtiyaclarına əhəmiyyət verməməkdə ittiham edib.

 

Xeber365.com-un "APA"ya istinadən verdiyi məlumata görə, A. Duda bunu Varşavada Prezident Sarayında xarici ölkə səfirlərinin Yeni il münasibətilə qəbulunda deyib.

 

Polşa prezidenti buna misal olaraq “Brexit” və az əvvəl bir sıra Avropa ölkələrində keçirilən seçkiləri misal göstərib.

 

A. Duda Avropa İttifaqının ictimaiyyətdə məyusluq yaratdığını vurğulayıb: "Avropa İttifaqının institutları cəmiyyətdə inteqrasiya ilə bağlı yaranmış məyusluğa görə məsuliyyəti üzərinə götürməli, səhvlərini analiz etməlidir. Avropa İttifaqının institutlarının vəzifəsi ahəngdar Avropa siyasəti həyata keçirilməsini təmin etməkdir, Avropa xalqlarını bir-birinə qarşı qoymaq deyil".

 

Qeyd edək ki, son vaxtlar Polşa və Avropa İttifaqı arasında narazılıq yaranıb. Yanvarın 9-da Avropa Komissiyasının sədri Jan-Klod Yunker Polşa baş nazirinin müavini Mateuş Moravetski ilə görüşüb, Avropa İttifaqının Polşaya qarşı sanksiyalar tətbiq etməsinə yol verilməməsi ilə bağlı atılacaq addımları müzakirə edib.

Mənbə: Müəllif: XƏBƏR365
Polşa, prezidenti, Avropa, İttifaqını, ittiham, etdi,
Xəbərin videosu
Şərhlər
Haber Yazılımı