Xəbər haqqında
13 Noyabr 2017 - Bazar ertəsi 14:12 88 nəfər oxuyub
 
Regionlarımız özünütəminetmə sisteminə keçirilir
İŞ DÜNYASI Xəbəri
Regionlarımız özünütəminetmə sisteminə keçirilir

2018-ci ildə Azərbaycanın 33 rayon və şəhəri xərclərini öz gəlirləri hesabına təmin edə biləcək.

 

Xəbər365.com Trend-ə istinadla yazır ki, bunu maliyyə nazirinin müavini Azər Bayramov Milli Məclisin İnsan hüquqları, Regional məsələlər, Hüquq siyasəti və dövlət quruculuğu, Mədəniyyət, Gənclər və idman komitələrinin birgə iclasında "Azərbaycan Respublikasının 2018-ci il dövlət büdcəsi haqqında" qanun layihəsinin müzakirəsi zamanı deyib.

 

Nazir müavini bildirib ki, 2018-ci ildə dövlət büdcəsinin yerli gəlirləri 621 milyon manat proqnozlaşdırılır: "Bu, cari ilin proqnoz göstəricisini 4 faiz üstələyir. Yerli xərclər isə 424 milyon manat və ya 2017-ci illə müqayisədə 3 milyon manat çox proqnozlaşdırılır".

 

A.Bayramov qeyd edib ki, bu məbləğdən 10,1 faiz yerli xərclərin tənzimlənməsi üçün nəzərdə tutulan dövlət büdcəsinin mərkəzləşdirilmiş xərclərindən maliyyə dəstəyinə düşür: "Bu, cari ilin göstəricisindən 0,2 faiz bəndi aşağıdır. Maliyyə dəstəyinin faktiki məbləği bir milyon manat azalaraq 73 milyon manat təşkil edəcək. Burada öz xərclərini öz gəlirləri hesabına təmin edəcək 33 rayon və şəhər nəzərdə tutulmur".

 

Mənbə: Müəllif:
Regionlarımız, özünütəminetmə, sisteminə, keçirilir,
Xəbərin videosu
Şərhlər
Haber Yazılımı