Xəbər haqqında
13 Noyabr 2017 - Bazar ertəsi 15:23 332 nəfər oxuyub
 
Siyasi partiyaların büdcəsi niyə artırılmalıdır? - MÜZAKİRƏ
BAXIŞ Xəbəri
  Siyasi partiyaların büdcəsi niyə artırılmalıdır? - MÜZAKİRƏ

Milli Məclisdə 2018-ci il üzrə dövlət və icmal büdcəsi layihələrinin müzakirəsi zamanı çıxış edən Gənclər və idman komitəsinin sədri Fuad Muradov  bildirib ki, Azərbaycanın əleyhinə işləyən qeyri-hökumət təşkilatlarının büdcəsi siyasi partiyaların büdcəsindən 5 dəfə çoxdur: "Siyasi islahatların aparılmasını istəyiriksə, siyasi partiyaların büdcəsinə yenidən baxılmalıdır".
 

Millət vəkilinin açıqlaması cəmiyyətdə birmənalı qarşılanmayıb və sual doğurub: "Siyasi partiyaların büdcəsi niyə artırılmalıdır, bu artım hansı ehtiyacdan doğur və büdcənin bu istiqamətdə sərfiyyatı dövlətə hansı faydanı verəcək?" Xeber365.com bu və digər suallarla mövzu ətrafında müzakirə açıb. 
 

Məsələylə bağlı mövqeyini bildirən Azərbaycan Demokrat Partiyasının sədri Sərdar Cəlaloğlunun sözlərinə görə, bu təklif xalqın cibinə bir daha girməkdir: “Hökumət yalnız hakimiyyəti dəstəkləyən partiyalara maliyyə ayırır. Bizim partiyamız dövlət tərəfindən maliyyələşmir”. 
 

 

Sərdar Cəlaloğlunun fikrincə, millət vəkilinin təklifi manatın məzənnəsi ilə bağlıdır: “Bu təklif gələn il yanvar-fevral ayında gözlənilən manatın devalvasiyası ilə bağlıdır. Buna görə indidən millət vəkillərinin, dövlət tərəfindən maliyyələşən siyasi partiyaların vəziyyəti ilə bağlı təkliflər səslənir. Yəni istəyirlər ki, hakimiyyəti müdafiə edən qüvvələri iqtisadi cəhətdən gücləndirmək üçün əsas yaransın”.


 
Demokratik Təşəbbüslər İnstitunun rəhbəri Akif Qurbanov isə Fuad Muradovun təklifinin məlumat qıtlığından irəli gəldiyini qeyd edib: “Ola bilsin, millət vəkilinin məlumat resursu ancaq AzTV-dir. Çünki ancaq orda “Azərbaycanın əleyhinə işləyən qeyri-hökumət təşkilatları haqda” xəbərlər yer alır.  Əks halda Fuad Muradov bilməliydi ki, 2014-cü ildən bu yana Azərbaycanda heç bir xarici donor QHT maliyyələşdirmir. Qanunvericiliklə bu məhdudlaşdırıldı. İllərdir bununla bağlı müzakirə gedir. Azərbaycanda yalnız 2 resurs qalıb, ikisi də dövlət büdcəsindən ayrılan vəsaiti QHT-lərə xərcləyir. Donorların fəaliyyəti ilə bağlı qanunlar məhdudlaşır. Xarici donordan maliyyə əldə etmək mümkün deyil. Fuad Muradov bunu bilmirsə, o ya Azərbaycanda yaşamır, ya da ancaq AzTV-yə baxır”. 
 

 

Akif Qurbanov həmçinin bildirib ki, ölkəmizdə yalnız parlamentdə təmsil olunan siyasi partiyalar maliyyələşir: “Ölkənin əsas partiyaları Milli Məclisdən kənarda qaldığı üçün onların maliyyə almaq imkanı yoxdur. Hökumət dövlət büdcəsindən siyasi partiyalara 10 milyon manat ayırır, bunun 50 faizindən çoxu YAP-a gedir. Çünki ən çox millət vəkili bu partiyadandır. Türkiyədə bu təcrübə fərqlidir. Müəyyən barajı aşan partiyalara maliyyə ayrılır. Hətta Gürcüstanda belə bununla bağlı oturuşmuş sistem var".

 

QHT-lərə Dövlət Dəstəyi Şurasının mətbuat sözçüsü Səfər Alışarlı Fuad Muradovun fikirlərinə münasibət bildirərkən deyib: “Bizdə dövlət əleyhinə işləyən QHT haqda məlumat yoxdur. Biz milli donor olaraq o qədər də böyük büdcə ayırmırıq. Maksimum büdcə 20 min manat,  10-15 min manat civarında olub. Bunu da Azərbaycanın haqq davasını dünyaya duyuran layihələrə ayırırıq”.

 

 

Ayşəm Rüstəmova 

Mənbə: Müəllif:
, , Siyasi, partiyaların, büdcəsi, niyə, artırılmalıdır?, -, MÜZAKİRƏ,
Xəbərin videosu
Şərhlər
Haber Yazılımı