301 Moved Permanently

Moved Permanently

The document has moved here.

Yazarın məqalələri
14 Sentyabr 2020 - Bazar ertəsi 11:11 218 nəfər oxuyub.
 
"Fortuçkaları" bağlayaq, Pəncərələri açaq!
Anar Əsədli
esedovanar@yahoo.com
 
 

Orta məktəblərdə rus sektorunun bağlanması məsələsi gündəmi zəbt edib. Təəssüf doğuran məsələlərdən biri də odur ki, bütün yaşanan neqativ hadisələrin içində bir də vaxt ayırıb insanlara dövlət dili anlayışını və dövlət dilinə hörmət anlayışının bir Vicdan və Vətəndaşlıq borcu olduğunu xatırlatmalı olursan. Tofiq Yaqubluya azadlıq istərkən bir də durub vətəndaş və dil məsələsindən dərs vermək adamın arına gəlir. Birincisi, ondan başlayaq ki, özünə hörmət edən hər bir ölkədə onun dövlət dilini yüksək səviyyədə bilmək rica deyil, məcburiyyətdir. Bir çoxlarının bəhs etdiyi "Primitiv millətçiliyi" və "ali irqçiliyi" çoxdan geridə buraxmış və bəşəri dəyərlərə üstünlük verən Almaniya, Fransa, İngiltərə və s. kimi ölkələri buna misal gətirə bilərik. Dil məsələsi özünə hörmət edən bütün ölkələrdə qırmızı cizgidir, onu kimsə keçmədi. Pul vahidi tək, sərhəd yox, hətta vətəndaşlıq belə şəffaf olan Avropa Birliyinə daxil olan ölkələrdə Dövlət dili anlayışı kəskin qoyulmuş şərtdir. Oturum izni belə almaq üçün müvafiq ölkədə alman, ingilis, fransız və s. dil üzrə beynəlxalq səviyyədə imtahan verməlisən. Niyə? Doğrudanmı, bu ölkələr primitiv millətçidirlər? Əlbəttə, xeyr. Sadəcə, hər ölkənin gələcəyini təmin edəcək güc yeni yetişən vətəndaşdır. Və o vətəndaş dövlətə sədaqətini ana dilində qazanmalıdır. Yəni, qısası, Dövlətə sevgi Dildən başlayır. Dövlət dili Dövlətin təməlidir. Bu məsələnin əsas tərəfi, gələk detallara. Birincisi, “rus bölməsini bitirənlər vətənsevər deyillər və ya vətəni sevənlər daha çox hansı sektordan çıxıb, şiddət göstərənlər, qaba və mədəniyyətsizlər hansı sektorun yetirmələridir” kimi səviyyəsiz, isbatı olmayan, aşağılayıcı statistika aparmaq insanlıq və zəka dışı bir məşğələdir. Vətəni sevən, uğrunda şəhid və qazi olanların təhsil dili müzakirə obyekti ola bilməz, eyni zamanda cəmiyyət üçün zərərli ünsürlərin də təhsilini müzakirə etmək yersizdir. Çünki insanların dövlətə və vətənə sevgisi, insanlıq və humanizm kimi prinsiplərə riayət etməsi əqidə məsələsidir. Hörmətli keçmiş səfir Hikmət Hacızadə bildirir ki, “bandotdel”də işləyən Azərbaycan bölməsini bitirən uşaqlardır, yaxşı məndə belə sual verirəm sizə: Onlara “vur” əmrini verənlər də rus bölməsini bitirmiş “ruskoyazıçnıy” mədənilər deyilmi? Bu məntiq xoşunuza gəlirmi? Görürsünüz bu müzakirələr bu formatda getsə nə qədər mənasız olacaqdır. Inanıram ki, işgəncə verənlərin bəziləri Puşkini sevə-sevə əzbər bilirlər. Necə ki, həmin rus dilinin ana vətəni olan Rusiya və rus xalqı illərdir hakimiyyətə demokrat gətirə bilmir, şiddətə və qanun pozuntularına yol verir. Halbuki rus dilini bilməyən ölkələrdə bu iş uğurla həyata keçir. Nümunə üçün, rus dilini çoxdan istifadədən çıxarmış Baltikyanı ölkələri, Finlandiyanı, Gürcüstanı göstərə bilərik. Kim deyə bilər gürcü dilinin leksik fonduna nə qədər söz daxildir, yaxud litva, latış dilinin lüğət fonduna nə qədər söz daxildir, təhsili dünyada 5-ci yeri tutan Finlandiyanın dövlət dili nə qədər tutumludur. Suallar və cavablar mənasızdır. Bu tupli statistika mənasızdır, hansı dilin daha zəngin olması üzrə yarışmaya girilməyib və ya vətənpərvərlik üzrə yarışmaya, kitab oxumaq yarışmasına girilməyib. Söhbət əgər “azsektor”un səviyyəsinin aşağı olmasından və bu baxımdan mütaliə mədəniyyətinin az olmasından gedirsə, gəlin təhsildəki problemləri, “naqisliyi necə aradan qaldıraq” kimi ağrılı məsələləri müzakirə edək, təhsilin dili bu problemlərlə əlaqədar deyil. Əgər əlaqədardırsa, təklif edirəm yapon və ya Koreya dilini öyrənək, onlar rusdilli ölkələri çoxdan geridə qoymuş, iqtisadi, elmi, texnoloji inqilaba qədəm qoymuş xalqlardır. Siz "Fortuçkadan" danışırsız amma bilin ki, "fortuçkadan" hava az gələr və istədikləri zaman isə sizin "fortuçkanızı bağlayarlar". Biz isə pəncərələri açaq deyirik. Pəncərələr Rusiya tərəfdən açılmır. Hörümçək toruna bənzəyən mafiya qanunları ilə idarə olunan Rusiya kimi bir ölkədən nə öyrənəcək “ruskoyazıçnılar”?. Dil bilmək gözəldir. Hər bir insan istədiyi qədər dil öyrənə bilər, hətta istəsə başqa dildə təhsil də ala bilər, lakin dövlət səviyyəsində təhsil sadəcə Dövlət dilində olmalıdır, Dövlətin təbliğatı Ana dilinin üzərində olmalıdır. Başqa dildə təhsil almaq istəyənlər bunu özəl və ciblərinin pulu ilə almalıdır. Yoxsa hər kəs ağlına gələn dili və ya təhsil aldığı dili nostalji hissi ilə başa keçirmək istəsə, vay bu dövlətin halına. Kimsə dövlət dilini aşağılaya bilməz, cəmiyyət olaraq naqis cəhətlərimizi dilin üstünə ata bilməz - Bu, yolverilməzdir, rus sevdalılığı heç bir xalqa xeyir verməyib. Rusiyaya əlvida deyənlər, rus bölməsini bağlayan xalqlar irəlidə, bizim kimi “rusdillilər” hələ də Rusiyanın yaratdığı qanlı münaqişələrin içindədirlər. Hörmətli Hikmət bəy, Tofiq Yaqublunun hakimi bilirsiniz hansı “sektorun” uşağıdır? Mən deyim, qeyri-insani “sovet sektoru”nun - bax milli faciə budur! Milli faciəmizi atladıb qələbəyə doğru Rusiyasız yürüyək, Bəşəri ideyalarla silahlanıb demokratik Azərbaycan quraq, Ana dilimizdə danışan balalarımızla!

 
Etiketler: "Fortuçkaları", bağlayaq,, Pəncərələri, açaq!, ,
Yorumlar
Yazarın Arxivi
27 Dekabr 2020 - Bazar - 17:55 | Abutalıbın ümidinə qalan Rusiya
18 Dekabr 2020 - Cümə - 12:29 | Putinin mətbuat konfransına sözardı...
14 Dekabr 2020 - Bazar ertəsi - 22:31 | Saat Bizim Xeyrimizə işləyir!!!
12 Dekabr 2020 - Şənbə - 21:42 | Quzey Güneyə hazırdırmı?
18 Noyabr 2020 - Çərşənbə - 18:26 | Türkiyə Qafqaza gəldi
15 Noyabr 2020 - Bazar - 20:32 | Mayk Taysonu udan Duqlas
11 Noyabr 2020 - Çərşənbə - 19:00 | İti qovduq, yiyəsi gəldi: Real düşmənlə
30 Oktyabr 2020 - Cümə - 13:37 | Rusiyadan başlayan Qarabağ işğalı
25 Oktyabr 2020 - Bazar - 13:06 | Etnik birləşmədən millətə doğru
16 Oktyabr 2020 - Cümə - 12:59 | Bizi gözləyən Turan
07 Oktyabr 2020 - Çərşənbə - 18:51 | Vicdanın labüd etdiyi savaş
03 Oktyabr 2020 - Şənbə - 14:34 | Qərb üçün sülh Qərb üçündür
27 Sentyabr 2020 - Bazar - 22:20 | Barışın yolu Savaşdan keçir!
19 Sentyabr 2020 - Şənbə - 14:07 | AMEA–nın qarajdan başlayan inkişafı
09 Sentyabr 2020 - Çərşənbə - 09:16 | Dialoq xəyanət deyil
30 Avqust 2020 - Bazar - 22:57 | BİZ ZƏFƏRƏ İNANIRIQ!!!
28 Avqust 2020 - Cümə - 11:44 | Brutdan Siyavuşa, Beriyadan Mehdiyevə və ya nə əkərsən, onu da biçərsən...
18 Avqust 2020 - Çərşənbə axşamı - 10:10 | Dərsimiz DEMOKRATİYA...
16 Avqust 2020 - Bazar - 10:41 | 70 İLİN XARABALIĞINDA CÜCƏRƏN DEMOKRATİYA FİDANLARI
06 Yanvar 2018 - Şənbə - 00:13 | Birləşmək zamanı bu gündürmü?
23 Sentyabr 2017 - Şənbə - 00:15 | Küləyə qarşı yürümək...
21 Avqust 2017 - Bazar ertəsi - 20:50 | Bəy də bunu arzulayırdı...
21 İyul 2017 - Cümə - 16:42 | EVİMİZİN DAMINDAKI JİRİNOVSKİ
23 May 2017 - Çərşənbə axşamı - 22:46 | Hər zaman Atilla olmaq
11 Mart 2017 - Şənbə - 10:40 | Medianı yeyən “əjdaha”
20 Yanvar 2017 - Cümə - 10:20 | 20 Yanvar - Türkün dirilişidir!
03 Aprel 2016 - Bazar - 10:20 | Barış savaşın son nöqtəsidir
27 Noyabr 2015 - Cümə - 10:19 | Aktivləşən Bombalar
13 Noyabr 2015 - Cümə - 10:18 | Boş qalmış meydan
02 Noyabr 2015 - Bazar ertəsi - 10:17 | Gələcəyi deyil, hüzuru seçən Türkiyə
29 Oktyabr 2015 - Cümə axşamı - 10:17 | İşğalın görünməyən tərəfləri
11 Sentyabr 2015 - Cümə - 10:16 | Qaranlığı aydınlada bilməyən ziyalılar
29 Avqust 2015 - Şənbə - 10:15 | Qaranlığın gücsüzlüyü və ya “güclü Rusiya” əfsanəsi
17 Avqust 2015 - Bazar ertəsi - 10:15 | Cəhalətin qurbanları
29 İyul 2015 - Çərşənbə - 10:14 | Barış üçün savaşan Türkiyə
21 İyul 2015 - Çərşənbə axşamı - 10:13 | Sovetin can verib ölməyən ənənəsi: fəxri adlar
25 İyun 2015 - Cümə axşamı - 10:12 | Qonşuların savaşı və barışı
11 May 2015 - Bazar ertəsi - 10:11 | Mümkünmü ayırsın bizi “İncil” ilə “Quran”?
16 Aprel 2015 - Cümə axşamı - 10:11 | Avropa Türkiyəyə qarşı yeni, rəsmi xaç yürüşünə başladı
13 Mart 2015 - Cümə - 10:10 | Möhkəm Çiyinlərin Sadə Sahibləri
23 Yanvar 2015 - Cümə - 10:08 | Bu gün o gün deyil!
29 Dekabr 2014 - Bazar ertəsi - 10:07 | Yeni ilə yeniliklərlə
18 Noyabr 2014 - Çərşənbə axşamı - 10:06 | Şəkil qardaşlığı
13 Oktyabr 2014 - Bazar ertəsi - 10:05 | Dövlətçilik ənənəsi, yoxsa məzhəbçilik?
22 Sentyabr 2014 - Bazar ertəsi - 10:02 | Avropa "ailəsindən" Türk "ailəsinə"
06 Sentyabr 2014 - Şənbə - 10:01 | NATO Zirvəsi və ya İŞİD-in silah qaynaqları hardandır?
25 Avqust 2014 - Bazar ertəsi - 09:56 | Yorğun deyil, çılğın demokratlar olaq!
Haber Yazılımı